Gözəlim

Gözəlim...
Gedirsən gözəlim yolun mən olum
Həsrətin eşqimi öldürər sanma,
Arxanca atdığım o qabdakı su
Əslində göz yaşı onu su sanma.

Mən dəli dənizəm küləyim mənim
Eşq deyib çırplnan dalğalara bax,
Gedirsən səndədir ürəyim mənim
Aşiq ürəyimə orda yaxşı bax.

Daima gülümsə,sevin,danış,gül
Xoşbəxtlik haqqıdır yaşıl gözlərin,
Amma xəbər elə gözlərin dolsa
Sən dur mən ağlaram yerinə sənin.

Bu həyat bir kino baş rolda sevgi
Böyük bir ekran və qaranlıq otaq,
İki biletim var əyləş yanıma
Bu gözəl kinoya birlikdə baxaq...