Naniniwala ka ba sa second chance? Eh sa, 'Love is sweeter the second time around.'? Ako? Isa 'yong malaking EKIS. Isang malaking HINDI. Magmula noong naghiwalay kami ni Rafael ay hindi na ako naniwala pang may mga relasyon na deserve ang second chance. Eh kasi naman, ayon 'yong naranasan ko, eh! Ibinigay at ibinuhos ko ang lahat, ayon tuloy sumobra! Ang ending? Nanawa at napagod ang loko. Naghiwalay kami at naghabol ako kaso ayaw na raw niya sumubok pa ulit sa relasyon na may lamat na. Hindi na lang niya sabihing hindi na niya ako mahal. Lumuwas ako ng Manila para ro'n ipagpatuloy ang pag-aaral ko. After eight years, sa hindi inaasahan na pangyayari, kinakailangan kong umuwi sa kinalakihang lugar. Sa muli naming pagkikita ni Rafael, mapapanindigan ko nga bang WALANG SECOND CHANCE o mapapatunayan ko lang na hindi naman nawala at natutulog lang pala ang pagmamahal ko kay Rafael?