Breakup

Hindi ka naman talaga bitter. Sadyang hindi lang maalis-alis sa isipan mo ang katotohanang siya pa rin ang tinitibok ng iyong puso. Natapos na ang lahat sa inyo, pero para sa'yo, iisa pa rin ang inyong mundo.

Nagiging masakit harapin ang reyalidad dahil hindi ka sanay na wala na s'ya sa piling mo. Masakit dahil hindi mo tanggap ang mga nangyayari.

Hindi mo tanggap dahil sa kabila ng pagbibigay mo ng buo mong pagmamahal, nasayang lang ang lahat.

Nasayang ang lahat dahil sa bandang huli, nalaman mong hindi pala talaga kayo para sa isa't-isa.
Hindi kayo para sa isa't-isa dahil yun ang nakasulat sa libro ni Tadhana. Librong puno ng pandaraya. Pandaraya na nakakasakit sa iba. Iba kung makapanakit. Pananakit na humihiwa ng dibdib. Dibdib na puno ng pighati. Pighating nakakatunaw ng ngiti. Ngiting 'di naman totoo. 'Di totoo tulad ng taong minahal mo. Minahal mo na nanukli ng biro. Birong bumiyak ng iyong puso. Puso mong ngayon ay sawi. Sawi dahil napagtanto mo na ang pagmamahal ay hindi kasing dali ng pagbibilang ng daliri.