My Prince Charming (La Carlota Series#1)

LUMAKI si Stephany Prances sa La Carlota. Tipikal na probinsyana, pilya, palakaibigan, masayahin at palabiro ang dalaga kaya naman marami ang natutuwa sa kanya.

Mahirap ang buhay sa probinsiya ng La Carlota, lalo na kung wala ka namang sariling lupain. Nasaksihan iyon ng pamilya Prances. Isang kahig, isang tuka ang pamumuhay sa lugar na iyon. Kaya naman bata pa lang si Step ay plano na nitong maiahon sa kahirapan ang sariling pamilya.

Sa hacienda De Silva naman naninilbihan ang kaniyang pamilya. Malaki ang paghanga niya sa matandang De Silva dahil tapat at magaling itong mamalakad.

Pero sabi nga ng Itang niya, "May mga araw na tag-sagana at may araw din namang tag-tuyo't. May mga taong mananatili at may mga taong mawawala. Walang kasiguraduhan ang buhay, pero patuloy na makikipagsapalaran ang tao para mabuhay."

Ang libreng pag-aaral ni Stephany Prances na pinangako ni Don Victor De Silva ay biglang naglaho at para sa kaniya'y isang pangarap na lamang ito dahil ng magkasakit ang matanda, pumalit sa puwesto nito ang nag-iisang anak na si Senyor Vincent De Silva na siyang pinakamalupit mamalakad ng hacienda.

Isang malaking pagkakamali at kamalasan sa buhay ng mga trabahador. Ngunit sa mga panahong mahirap, palaging may sumusulpot at tumutulong sa kanilang mabait na binata.

Siya si Van. Isang misteryosong binata, simple ngunit napaka- gentleman at ubod ng guwapo. Isang trabahador at madalas tumutulong sa kanila. Isang Prince Charming kung tawagin sa kanilang baryo dahil sa magandang ugali nito, kumbaga ay 'full package na.'

Ngunit bakit kung kailan naman nahuhulog na siya sa binata ay saka niya malalaman ang buong pagkatao nito?

Paano nila ipaglalaban ang pagmamahalan kung langit at lupa pala ang kanilang pagitan?

Ipagpapatuloy pa ba ni Stephany ang nararamdaman niya sa lalaki kung ikakapahamak naman ito ng kaniyang pamilya?