Nag-iisang Ikaw (BXB On-Going)

Nilisan ko ang bansa upang makalimot sa aking naging mapait na karanasan; sa aking buhay pag-ibig at sa aking pamilya na nagtakwil sa akin dahil sa pagkataong meron ako na kailanman hindi ko ginusto. Natutunan ko ang mamuhay ng mag-isa na hindi umaasa sa iba. KInalimutan ko ang umibig dahil sa tingin ko wala namang lalaki ang magkakagusto sa isang katulad ko.
'Ika nga, Sa hinaba-haba man ng prosisyon ay sa simbahan din ang tuloy. At dumating nga ang panahon na umuwi din ako ng bansa upang pamahalaan ang malaking lupain ng aking mga magulang na dating ipinagkatiwala nila sa nakatatandang kapatid ko na si Brosnan na kasamaang palad hindi nito nagampanan ang kanyang tungkulin gawa ng nalolong ito sa samo't saring bisyo.
Sa gitna ng kasiyahan dahil sa aking muling pagbabalik at pagtanggap muli sa akin ng aking mga magulang sa kabila ng pagiging alanganin ko ay siya namang pagdating ng mga hoodlum para dukutin ako. Hindi ko inaasahan ang pangyayaring iyon. At mas lalong hindi ko inasahan na kasabay ng pagbihag sa akin ay siyang pagkabihag rin ng aking puso sa lalaking nagkidnap sa akin. Saan ako dadalhin sa aking pag-ibig na ang lalaking aking minahal ay kalaban ng BATAS.