Pinangarap

Gusto kong matutunan ang lahat tungkol sa computer.. mga teoriya. Gusto ko maging Psychiatrist, para mas lalo kong maintindihan ang sarili ko. Gusto kong maging piloto para madali akong yumaman. Gusto kong kumuha ng masteral degree, para mataas ang estado ko sa buhay. Gusto ko ring maging Orthodontist! Para magkaroon ng suki sa ngipin nilang puro sungki. Gusto ko rin maging sundalo! Para matuto akong humawak ng baril! Gusto ko ring maging model pero hindi pasado sa lebel. Gusto ko ring maging singer, kaso hanggang CR lang ang aking birit. Pero hindi naman pangit ang boses ko. Sadyang, may sarili lang akong tono! Gusto ko ring maging sexy! Para lahat ng lalaki kumakandarapa sa seksey kong badi! Pero tatapusin ko muna pag-aaral ko... Kaso maraming hadlang nito...
Paano kung sa susunod na araw, malay mo bumagyo at inanod ako. Paano nalang ang mga pangarap ko?
Paano nalang kung isang araw, lumindol ng malakas! At kainin ako ng lupa. Paano nalang ang mga pangarap ko? Paano nalang kung biglang sumabog LPG namin? At nasunog ang buong bahay namin? Paano nalang ang mga pangarap ko? Paano kung nag-away lahat ng aso dito sa tapat ng gate, at di ako nakaalis agad? At bigla akong kinagat? At nabaliw ako dahil sa rabbis na bitbit nito? Paano nalang ang mga pangarap ko? Paano kung nag-away ang mga magulang ko at naghiwalay? At naging pulubi ako at nagutom tapos namatay? Paano nalang ang mga pangrap ko? Paano nalang kung dinagsa tayo ng mga alien? At kinuha nila ako? Paano nalang ang mga pangarap ko? Paano nalang kung Kinagat ako ng lamok at namatay agad? Paano nalang ang mga pangarap ko? Paano nalang kung... isang araw? Nahulog ang loob ko sa'yo? Paano nalang kaya ang mga pangarap ko?