Hindi kita kilala pero ikaw ang aking kasama. Sa tag-init man, taglagas, tagsibol, taglamig, hilaga,silangan,timog at kanluran, ikaw pa rin ang aking kasama. Nilakad natin ang kabundukan. Tinawid ang mga ilog pati na rin ang dagat. Ang ulap ay parehas nating hinawakan. Dahil sa iyo naging masaya ang malungkot kong buhay. Sa ating paglalalakbay, naaksidente ako. Aksidenteng nahulog at umibig sa iyo.