Rafael Dieste (Escolma da BVG)

#WattpadEnGalego
Rafael Dieste naceu en Rianxo, en 1899. Matriculado en 1914 na Escola Normal de Compostela, interrompeu os seus estudos para viaxar a México, onde moraba un irmán seu. De regreso a Rianxo, finalizou a carreira e iniciou a súa relación coa literatura levando como compañeiro de viaxe a Manuel Antonio. Ambos coñeceron o federalismo e o nacionalismo a través de Vicente Risco.
En 1921 foi enviado á guerra colonial en Marrocos, onde permaneceu até 1923. De regreso en Galiza, colaborou en varios xornais. Con oito dos relatos que foran publicados na prensa, preparou a primeira edición de Dos arquivos do trasno (1926). Un ano despois vía a luz a peza dramática A fiestra valdeira. Coa súa lectura ingresaba, en 1927, no S de EE. GG.
Dieste formou parte daquela nova xeración que se debateu entre a dedicación á causa galega e o desexo dun triunfo persoal máis amplo nas letras españolas. Así, en 1932 trasladouse a Madrid para iniciar a súa carreira como escritor. Como bolseiro da JAE da República, viaxou por Europa e a sublevación fascista sorprendeuno sendo director do Teatro Español de Madrid.
Durante a contenda do 36 formou parte da Alianza de Intelectuais Antifascistas e colaborou na revista Nova Galiza. Seguiu a retirada republicana a Valencia e Barcelona para acabar marchando ao exilio en 1939. Estableceuse en Bos Aires, onde traballou como director literario na Editora Atlántica. En 1948, viaxou por Europa como comisionado do Museo Nacional de Artes Plásticas de Montevideo. En 1954 regresou a Bos Aires e á Editorial Atlántida, na que aparecerá a versión definitiva de A fiestra valdeira (1958).
En 1961 voltou a Rianxo e, un ano despois, Dieste publicaba en Galaxia unha reedición de Dos Arquivos do Trasno, ampliando o número de contos. En 1970 ingresou na RAG como membro de número. Poucos meses antes da súa morte, acaecida en 1981, apareceu o volume Antre a terra e o ceo, que recolle artigos dos anos vinte pu