Tahan na, Ina

Tahan na, aking Ina
Huwag ng lumuha pa
Paghihinagpis ay wakasan na
Sabay tayong magpunas ng luha

Alam kong mahirap para sa'yo
na makita ang tahanan mo
na unti-unti ng sinisira
ng mga anak na kinupkop mo

Patawad na wala akong magawa
upang sakit ay maibsan na
Patawad na wala akong magawa
upang sila ay pigilan pa

Ngunit ako'y pakinggan Ina
Ikaw ay hindi nag-iisa
Sa pangangalaga sa tahanang ibinigay mo
Pangako, tutulungan kita.