Tritania Academy: School of Enchantments

Natapos ang digmaan sa pagitan ng tatlong pinaka makapangyarihang kaharian ngunit madaming dugo pa din ang dumaloy at umagos sa paglipas ng panahon. Hindi din mabilang ang buhay na nawala sa kaguluhang patuloy na nangyayari. Kahit ang mga dugong bughaw at may mga matataas na posisyon ay hindi kayang bigyang solusyon ito. Hanggang sa isa na lamang ang kanilang maaaring gawin.

Nagsakripisyo at nag alay ang mga ito ng mga inosenteng buhay para sa paniniwalang lalakas ang kanilang taglay na kapangyarihan. Imbis na panatilihin ang kapayapaan ay lalong lumala ang kaguluhan. Ang mga dugong bughaw at makakapangyarihan ay naging makasarili at gahaman. Samantala ang mga dukha na tila walang magawa ay nagdusa at pinapatay.

Hanggang sa lumipas ang napakahabang panahon, nagbago ang lahat dahil sa isang napakalaking rebolusyon. Nagkaroon ng kalayaan at balanse sa paggamit ng mahika. Ngunit para maggamit at mapag aralan ito ng mabuti ay itinayo ang isang lugar kung saan lahat ay maaring matuto at lumakas sa salamangka hanggang sa tinawag nila itong Tritania.

Gayon pa man, hindi mawawala ang istorya ng nakaraan sa kasalukuyan at hinaharap.

Ano ang misteryong nakabaon sa maharlikang lugar na iyon? Paano kung ang lahat ng bagay na alam mo ay tila magbago sa isang iglap? Pipiliin mo bang pasukin ang peligro na puno ng masasakit na katotohanan o manatiling mabuhay na lamang ng ordinaryo ngunit puro kasinungalingan?

Genre: Fantasy/Mystery/Romance
Author: lady_onyx