"HOY! KAIBIGAN KO"

Bakit sa twing kausap ka
Mundo ko'y puno ng saya
Bakit pag kasama kita
May ibang nadarama
Kaysarap mong kakulitan
Kaysarap mong maging kaibigan
Lahat ay nagbabago
Sa twing lalapitan mo ako
Walang ibang hihigit pa
Sa pakiramdam na kapiling kita
Wala na kong hinahanap-hanap
Kundi ikaw na aking pangarap
Akala ko noo'y kaibigan lamang kita
Ngunit tila mas lumalalim pa
Ang pagtingin ko sa kanya
Pag-ibig na nga talaga !
Paano mo malalaman
Itong aking nararamdaman
Gusto ko mang sabihin
Ngunit baka ako'y balewalain
Gusto ko sanang malaman niya
Ngunit ako'y nahihiya
Nais ko sanang malaman niya
Ngunit baka naman umiwas siya
Kahit gusto kong ipagtapat
Hahayaan na lamang siya ang makaramdam
Kahit malabo niyang malaman
Magtitiis na lamang
Kaya' ngayong ako'y lilisan
Sana'y wag akong kalimutan
Na mayroon kang kaibigan
Na lihim kang minamahal
Sana'y mabasa mo ang tulang 'to
Kahit di mo alam na ikaw ang tinutukoy ko
Nagbakasakali lamang na malaman mo
Kahit man lang sa huling hininga ko