نصيحة

شو صعب يوجعك شي ،وانت متضايق ل الله وقلبك بيوجعك وخاطرك مكسور ومالك نفس ع شي ، كتير منا بمر بهالمرحلة من حياته، مرحلة انو خلص تعبت من كل شي ومن ولا شي ،مرحلة انت مش قادر تكمل ولا قادر تضل واقف ،مرحلة انك مش طايق حدا مش لشي بس لانك تعبت مجاملات وكذب ونفاق . بتحس انو نفسك تبعد ، نفسك لو تحكي حدا يحس فيك ، وحتى أحيانا ما فيك تحاول تحكي لحدا عن وجعك لانو انت بتعرف انو الله كريم ،وتوكل ع الله ،وان شاء الله خير ،وكلنا نفس الحال......وكل عبارات المواساة هاي وحتى بتكون شبعان منها . لهيك حاول ما تحكي لحدا عن شو بوجعك شو يلي بقلبك حتى لو كان بقطعك لانو لما ما حدا يحس بالكلام يلي بقلب حاول اتركو ما تحكيه خليه ينحرق بصدرك وسكر هاللمبة يلي مشغلة من المغرب ونام . لانو وسط هاي العتمة ما حدا رح يوقف معك ويحكيلك يلي حابب انو تسمعو غير البني آدم يلي جواتك يلي هو أصلا ياما حذرك ونصحك وحكالك لا تعملها لكن انت وبكل غباء، وقلة وعي عملت الشي يلي كان نفسك دائما انو تعملو ، وحكيت الحكي يلي كان نفسك تحكيه حتى لو انت عارف انو حكيك الكتير صح عم تحكيه للإنسان الخطأ .
لهيك نفس ما حكيتلك حاول شو ما كان بقلبك حكي وشو ما كان خاطرك مكسور لا تعبر ولا تحكي لحدا ،لانو الناس بقاسموك سعادك وحتى ممكن يحسدوك عليها ، اما لحظات حاجتك وضعفك هاي اتركها لحالك ،لا تحاول تظهرها ولا تحكي عنها .
ولا تكذب وتعمل حالك نايم ، لا فتح عيونك واحكي خلص رح ابلش من جديد وارجع سكرهم ونام .
#نصيحة
#خلي_ضعفك_الك