Annihilation ( White Devil's Vein 2 )

Pagkalipas ng 2 taon, nang bumalik sa kanyang pinanggalingan si Vegasheval, muling nagpulong ang konseho ng mga fallen angels sa isang tigang na pook sa Babilonia. Pinamumunuan ang konseho ni Merodach at ni Berith, kabilang sa mga demonyong heneral na nagbabalak buuin ang puwersa ng Magog. Ang mga pulutong ng mga demonyong ito ay malayang nakakapagpasya ng walang abiso si Satanas.
Hinati sa dalawang pangkat ang konseho, ng kanlurang bahagi at hilagaan ay kay Merodach--- at ang Silanganan at timugan ay kay Berith.
Nag-utos si Berith na hanapin ang anak na babae ni Vegasheval na si Elvira, anak nito kay Eunice sa Sta, Catalina. Nang maramdaman ni Vegasheval ang puwersa ni Berith, kabilang ang 200,000 demonyong mandirigma at mga alagad nito, muli siyang nagbalik. Sa kanyang pagbabalik, muli niyang nakita si Agatha--- at kasabay ng pagbabalik na iyon ang muling pag-usbong ng pagmamahalan. Pagmamahalang nais hadlangan ni Elvira.
Dahil sa paninibugho ni Elvira, nakuha ni Berith ang loob nito at ginamit upang kalabanin si Vegasheval. Ngunit, hindi kayang labanan ng ama ang anak. At mula rito--- gaya ng paglalahad ng kasaysayan, mauulit ang kasaysayan ng hidwaan ng magkapatid. Dugo sa dugo, laman sa laman. Dalawang laman na maglalaban na kabilang sa magkaibang puwersa--- ang mabuti at masama. Si Elvira laban kay Virgil--- na tinatawag ding " Sebastian".