رحلتي الى روسيا

رحلتي الى روسيا
الجزء الأول

============
أكملت دراستي الجامعية و تهيأت ان اقوم بزيارة لروسيا الشقيقة اين منبع الجمال الطبيعي و السلعة المحلية المكونجلية لأنهم يعيشون تحت درجة -20 و تلحق حتى -30 , حزمت أمتعتي و استعدت للرحيل ودعت العائلة على امل اللقاء بهم في المستقبل القريب حتى ندير لافونيغ تاعي , لحقت لروسيا ما نعرف حتى واحد لتما رحت لأقرب فندق في موسكو العاصمة كي دخلت مانعرفش نهدر الروسية و هما يهدرو الروسية برك, تلفتلي واش نقولوا درت روحي عقون و بديت بالشرات و نحرك يديا و فمي بلا مانهدر , قلتلوا اعطيني المفتاح و وريلي لاشومبغ , بعث معايا الحمال رفدلي الساكادو تاعي و الكابا فيها حوايجي كي لحق شاف فيا باش نخلصوا كوفت روحي و هو يهدر و انا نقولوا مارانيش نسمع فيك حتى كره و هبط بلا مدا الدراهم , جا النهار الاول و انا في لاشومبغ نغوبوزي حتى لغد من داك هبطت نحوس تلاقيت بواحد بانلي جزائري رحت ليه مع الاول هدرت معاه كي العقون , قالي واش تسحق ؟؟؟ دهشني , قلتلوا بلا منجيب خبر و هدر قلتلوا نتا جزائري ؟؟؟ قالي ايه قالي او كي شفتني جزائري وليت تهدر ؟؟ قلتلوا وي راني نكوف ف روحي تعارفنا قالي انا عندي فامياتي هنا عايش عندهم قالي عندي خالي مزوج بروسية ارواح نعرفك بهم رحت معاه لحقنا للدار دخلت اوه واحد الدار تقول قصر 6