We're Meant To Be

Mapagmahal, mayabang, gwapo at patay na patay kay Jaydee Lynn, 'yan ang karaniwang bukambibig ng karamihan kapag nababanggit ang pangalang Kristoff Ethan Fontanar. Halos araw-araw s'yang nanliligaw dito pero puro sigaw at pagpapahiya lamang ang natatamo n'ya mula sa dalaga.

Ipagpapatuloy pa kaya niya ang kanyang sinimulan? o titigil na lamang at iisiping kailan man ay wala s'yang kahit katiting na pag-asa sa babaing kanyang pinakamamahal?

Maganda, matapang, matalino, at suplada, ilan lang 'yan sa mga maririnig mo kapag si Jaydee Lynn Laurel naman ang pinag-uusapan. Pero sa kabila ng katangiang kanyang pinapakita ay hindi mo sukat akalain na isa pala s'yang mahina, iyakin, kaawa-awa, bigo at uhaw sa pagmamahal ng isang ama.

Hanggang kailan kaya n'ya maipapakita ang totong s'ya? Hanggang kailan kaya niya makakamit ang atensyong kanyang nais mula sa isang ama? At hanggang kailan kaya niya pagbubuksan ang binatang palaging kumakatok sa kanyang pusong pilit sinasarhan dahil sa takot na muling masaktan?