MY DEVILISH DEVIO (Published under PHR)

Namulat si Kiram sa simpleng buhay sa Isla Ag-biyan sa Mindoro. Isa siyang guro at pangarap niya at ng kaibigan na makapagpatayo ng maliit na paaralan sa kanilang isla. Tuwing dumadalo si Kiram ng conference sa Maynila para sa mga guro, humahanap siya ng kompanya na maaaring maging sponsor sa pangarap na iyon.
Sa ERA Foundation napadpad si Kiram. Doon din niya nakilala si Devio, ang guwapong lalaki ngunit antipatiko-pero hindi na nawaglit sa kanyang isip.
Hindi niya akalain na muling magkukrus ang mga landas nila ni Devio nang sumabog ang eroplanong kinalululanan nito at bumagsak sa isla ng Mindoro. Iniligtas niya ang lalaki.
Sa pag-aalaga ni Kiram kay Devio, hindi naiwasan ng puso niyang mahalin ang lalaki. Ramdam din niyang may katugon ang damdamin niya sa paraan ng mga haplos at halik nito sa kanya.
Subalit dumating ang mapait na araw sa buhay ni Kiram. Narinig niya mismo sa mga labi ni Devio...
"Paano ko siya lolokohin, eh, wala namang kami?" anang lalaki saka tumawa.
Ganoon lang pala ang tingin nito sa mga tulad niyang taga-isla...