Manila 20XX

Taong 1658. Ito ang huling paggalaw ng Marikina Fault Line o tinatawag nilang West Valley Fault. Ayon sa mga eksperto, muling gagalaw ang mahigit isang daang kilometrong fault line sa loob ng susunod na limampung taon. Mahigit 34,000 tao ang maaaring mamatay at milyong-milyong pag-aari at tirahan ang masisira sa syudad ng Maynila at karatig probinsiya.

At anumang oras, pwede ito mangyari.

Isang single mom at career woman na gusto lamang maka-bonding ang mga anak niya sa isang sikat na ocean park sa Maynila.

Isang college graduate na ngayon lang nakatapak sa Maynila pagkatapos lumaki at mag-aral sa probinsiya.

Isang OFW na pabalik na sa Pilipinas para makasama ang mga magulang pagkatapos ng mahigit pitong taon na pagkahiwalay.

Isang call center agent na ang tanging gusto ay makapag long weekend at tumakas muna mula sa trapik, rush hour at stress ng normal na araw.

Ang buhay nilang lahat ay magbabago sa loob lang ng isang simpleng araw. Sa pagpatak ng oras, gaano sila kahanda sa kahit anong mangyayari?

Gaano ka kahanda?