The One You Love

Patay na patay si Kate kay Justin, ang chairman of directors ng Innovative Minds Agency kung saan nagtatrabaho siya bilang isang copywriter. Sigurado siyang ito na ang kanyang Prince Charming na biniyayaan ng mala James Reid na mukha.
Sa tulong ng mga kaibigan,sinadya niyang puntahan si Justin sa bahay nito upang ligawan ang lalaki. Pero mukhang hindi pabor ang langit sa desperadang plano niya dahil hinabol siya ng aso at muntik pang maaksidente! Sa halip na sa pader ay sa isang katawan ng tao siya bumangga. At nang dumilat siya ay natulala sa kagwapuhan ng kanyang tagapagligtas. Tinunaw ni Voughn ang takot niya nang mapatingin siya sa malamlam na mga mata nito. At nang magtapat ito ng intensiyong panliligaw sa kanya ay lalong nagulo ang puso niyang may gusto na sa iba.

Kung kailan niya napagtanto kung sino sa dalawa ang mahal niya, saka naman nawala sa kanya ang lalaking totoong nagpapatibok ng puso niya. At natuklasan pa niyang masyado itong mataas para sa kanya. And this time, hindi na uubra ang fighting spirit at confidence niya dahil puso na niya ang nakataya