The Beast Within

Beasts. Iyan ang tawag sa mga halimaw na naging resulta ng isang palpak na eksperimentong may layuning tugunin ang malaking pangangailangan ng mga tao sa pagkain at iba pang kagamitan.

Pitong dekada matapos ang nasabing kapalpakan, patuloy na nakikipaglaban ang mga tao para puksain ang mga nilalang na bunga ng genetic modification. Sinasanay ng Council ang mga kabataang nagnanais ding maprotektahan ang bansa sa panganib na dala ng mga Beasts sa loob ng isang paaralan--ang Academia.

Isa si Kreina Troxé sa mga estudyante na gustong maging Hunter--tagaprotekta ng bansa at tagapagtanggol ng mga taong nasa laylayan ng bansa--ang Sector 8.

Pero hindi tulad ng ibang estudyante, siya ay natatangi dahil kaakibat ng kanyang pangalan ang sikretong pinilit na patayin ng mga alagad ng siyensya.

solarseas
2019