Ocean

Ginawa ko naman lahat ngunit bakit tila hindi sapat para sa'yo
Binigay ko lahat, wala akong itinira sa sarili ko.
Simple lang naman ang gusto kong gawin mo,
Yung makita mo lang iyong halaga ko.

Ilang beses akong umiyak, ilang beses muntikan ng sumuko
Ilang beses nagpatawad sa mga kasalanang inulit-ulit mo
Ilang beses kang binigyan ng pagkakataon na hinihingi mo
Pagkakataon na siya ring sinasayang mo.

Yung tiwalang pilit kong binubuo
Pero bakit tila masaya ka pag nakikita mong nasisira ito?
Anong silbi ng pagkakataon na hinihingi mo
Kung sa bawat pagkakataon na yun, sinasaktan mo ako?

Pero sa tuwing tila parang kandilang nauupos ang pag-asa ko
Na maaayos pa natin ito
Bigla kang bumabawi't sinusuyo ako
At ako naman, nagpapasuyo sa'yo.

Tila walang kapaguran, kahit ang sakit-sakit na
Umiiyak na lang tapos bukas okay na
Maniniwala ulit sa mga pangako mong di na halos nakakapaniwala
Aayusin ulit lahat ng nasira mong tiwala.

At paulit-ulit,
Kahit gaano kahirap at kasakit
Pag tapos na,
mamahalin at mamahalin pa rin kita.

- Ocean Dria Montez