WHITE DEVIL'S VEIN

Mula sa dako ng timugan, sa dako ng malamig na pook ay nakatunghay ang tatlong demonyong nakaluklok sa isang moog doon.

Sila ay may tig-iisang dambana at pawang mga malalakas na kampon ng kadiliman. Sila nga rin ay mga anak ng mga anghel na inihagis mula sa langit at napasa-lupa kasama ni Lucifer, ang pinahirang kerubin. Sila’y binigyan din naman ng karapatan na ipahamak ang lupa at gawin ang nais gawin sa sangkatauhan. At ngayon nga, sila ay nakatunghay sa isang bayan sa isang planeta sa nasa Milky Way galaxy rin na itinago sa sangkatauhan. Ito ang bayan ng Edoreza na siyang katumbas ng bayan sa silanganan ng Eden sa aklat ng Genesis.

Ang bayang ito’y nasa silanganan ng planetang Gengeluva na katulad ng ating planetang earth. Ang pagkakaiba, mas malaki nga lang ang earth ng apat na beses sa naturang planeta at ang kulay ng lupa roon ay pula. Ang tubig ay gaya ng sa atin at ang atmospera ay kulay berde. Sa ating planeta ay kulay asul. At ang tatlong demonyo’y nag-uusap mula sa dakong kanilang luklukan habang nakatingin sa naturang bayan. Minamasdan ang bawat gawain ng mga tao roon. Ang bayan nga ng Edoreza’y nagpapasimula pa lamang sa kanyang kasaysayan. Ito ay tumatakbo pa lang sa kanyang ika- 10,000 taong kasaysayan buhat nang lalangin ito ng Lumikha.

At ang tatlong demonyo nga’y inatasan ni Lucifer na magtungo roon bilang kanilang misyon para sa paghahanda sa sagupaan sa digmaan o Armageddon. Sila ay sinaAdecentes, Balzephur, at Vegasheval.

Sa kanilang tatlo, si Vegasheval ay may malinis na puso at may mabuiting layun sa mga mortal. Siya'y umibig sa isang babae. At ang pag-ibig na ito ang naging daan at dahilan upang kalabanin niya ang kanyang mga kauri. Na bagamat' anak ng isang masamang nilalang ( demonyo) sa isang mortal ay may angking kakaibang lakas at kapangyarihan na panig sa kabutihan.