Dream Catcher

Ikaw na naman ang laman ng panaginip ko kagabi. Ikaw lang ang laman nito sa tuwing ipipikit ko ang aking mga mata. Ang iyong bawat ngiti at mga mata ang nag-uudyok sa akin upang mahalin ang aking mga panaginip.

Dito sa mundong ating ginagalawan, tanging panaginip lamang ang palatandaan ng ating minamahal. Dito lamang natin sila masisilayan. Saglit na motibo, sasaglit na mga imahe, sandaling mga panahon.

Hanggang ang tadhana ang siyang magdedesisyon kung tayo ay pagtatagpuhin na. Hanggang ang pulang lubid sa ating mga daliri ay tuluyan nang liliit, ninipis, hanggang ito ay hihilain tayo sa lugar ng bawat isa. Hanggang tayo, SA WAKAS, ay magtatagpo na.

Hanggang ang mga panaginip at realidad ay tuluyan na ngang magiging isa.

Hahanapin kita upang ang "ako" at ang "ikaw" ay tuluyan nang maging "tayo".

Kaya't hintayin mo ako, at ako ay tatakbo tungo sa'yo.

--
xoxo//
"soulmates au" po ito hence the "pulang lubid sa ating mga daliri". So basically, makakakuha ka ng imahe at clues about sa soulmate mo sa panaginip mo. May mga kakaunting tao na nakakakita ng pulang lubid sa mga daliri ng bawat tao. Ang pulang lubid na iyon ay nagdudugtong sa kani-kanilang mga soulmate. Mayroon ding mga tao na nakakakita na kapag nahanap na ng isang tao yung soulmate niya, makakasaksi siya ng isang napakagandang burst of colors (hindi kayang higitan ng mga salita ang masasaksihan nila dahil sa sobra nitong ganda).

Enjoy reading :)