Parang Wala Lang

Lahat ng ngiti, lahat ng saya, lahat ng kilig, lahat ng pinapakita mo sa kanya, lahat yun totoo. Hindi mo kayang pekein kasi yun naman talaga yung nararamdaman mo. Na 'di naglaon ay nasuklian din ng ngiti, saya, kilig at syempre pagmamahal. Minsan ka lang naman umibig kaya dedma na muna sa mga sinasabi nila. Pero hindi mo pa din kasi maiwasan magduda, kung totoo nga ba talaga yung nararamdaman mo o kung totoo ba yung pinapakita niya. Ang hirap umibig ng walang pinanghahawakan dahil wala namang "kayo". Kaya kahit nasasaktan ka na, "parang wala lang" sa kanya.