Secret Love Story

Paano nga ba ang magmahal sa mundong puno ng panghuhusga?

Paano nga ba magmahal ang isang taong handa namang ibigay ang lahat pero, hindi alam kung paano, saan at kailan niya ito masisimulan?

Paano nga ba ang magmahal, kung ang gusto at tinitibok ng puso mo ay taliwas sa sinasabi ng pagkatao mo?

Lalaki para sa Babae.
Babae para sa Lalaki.

Paano ang mga katulad ko? Ilulugar ko ba ang sarili kong piliin ang kasariang itinadhana para sa pagkatao ko? O sasalungat ako sa tadhanang nakaturo sakin para lang maramdaman ko at maranasan ko ang totoong pagmamahal na hinahanap at inaasam ko?

Pero bakit ganoon?
Bakit kailangang paglaruan ako ng mundo?
Bakit kinakailangang mahulog ako sa patibong at pagmamahal ng isang katulad ko ang sekswalidad?

Paano ba malalabanan ang kagustuhan ng sariling puso, para lang maipakita mo sa mundo na ikaw ay totoo.

Paano nga ba ang magpakatotoo?
Saan nga ba dapat ito umpisahan?
Sa sarili ba? O sa sasabihin ng iba?

Ano ang dapat kong sundin?
Ang sinasabi ng puso ko? O ang sinasabi ng isipan ko? O baka naman ang sinasabi ng ibang tao na gusto nilang makita sa kung sino at ano ako sa mundong ito?

Mahirap magpanggap. Pero mas mahirap umamin lalo na't sa sarili mo, hindi ka pa handang aminin ang lahat.