Masahista sa Guadalupe (boyxboy)

Brokenhearted si Ronan dahil nahuli lang naman niya sa akto ang kanyang boyfriend na may kasiping na ibang lalaki. Yes, in the act of making love. Sobra siyang nasaktan dahil ito ang kauna-unahan niyang kasintahan sa "ganoong" uri na relasyon kung saan pinili niyang sumugal kahit alam niyang maraming taong huhusga sa kanila. Isang bagay na pinagsisihan niya dahil sa ginawa nitong panloloko sa kanya.

To the rescue naman ang magaling niyang bestfriend na si Chester. Magpapakilala daw ito ng isang tao sa kanya. "Someone else to ease the pain." Daw. Pumayag naman siya sa kalokohan nito kahit wala siyang sampalataya sa utak nitong baliko.

Dun niya nakilala si Janus. Someone else to ease the pain nga dahil isa itong masahista. Sige na nga, isang gwapong masahista. Oo na po, isang gwapo at hunk na masahista.

Dapat ay isang beses lamang sila magkikita ngunit dahil na rin sa daloy ng tadhana at sa kabaliwan ng kanyang kaibigan ay nagtagpo silang muli.

Sundan natin ang kwento ni Ronan at kung paano nga ba tatanggalin ni Janus ang sakit sa kanyang katawan at.. ehem.. sa kanyang puso.