Tricks Of Our Heart

"Ouch"

Napa daing na lang ako ng maramdaman ko ang hapdi sa aking tuhod at siko. Nang tignan ko ito ay ang daming dugong lumalabas. Tsk. Hanggang kelan ba kasi ako mag-aaral ng ganito? Akala ko madali lang eh. Kainis naman oh.

"Uy ano na! Tara na. Isa pang ikot!"

Nag-init bigla ang ulo ko sa sinabi ni Brix. Duguan na nga ako tapos isang ikot pa?

"Gg ka ba? Duguan na nga ako tapos isang ikot pa? Hala! Wala akong balak magpakamatay noh!"

At isa pa, takas nga lang ako sa bahay eh, hindi ko tuloy alam kung paano ako magpapaliwanag tungkol sa mga sugat ko ito.

"Bata ka pa nga talaga. Sa tingin ko hindi ka pa nababagay sa larangang ito"

Napalingon ako sa nagsalita. At sino naman ito? Bata ako? Eh pano pano pa sya? Eh magkasing tangkad nga lang kami eh. Baka nga magkasing edad lang din kami.

"hoy 13 years old na ako ha! Di na ako bata. Magkasing height nga lang tayo. At baka magkasing edad lang tayo. Kung makapag salita ka naman."

Hindi naman sya sumagot sa sinabi ko, kaya siguro tama nga ang hinala ko, heh! Ang yabang yabang. Kala mo kung sinong magaling.

"oh ano Laine? Isang round pa?"

Binalik ko na lang ang atensyon ko kay Brix at pumayag sa isa pang round.
Kaya ko to, kaya kong matuto ng iba't-ibang tricks. Kaya kong daigin ang mga lalaking mayayabang lang sa pagpidal pero di naman marunong magtricks.

Pero ang problema ko lang, patay ako pag umuwi ako sa bahay! Takas lang ako!