Qayıt

Hər bir keçmiş, hansısa bir zamanıın gələcəyi olub. Hər bir gələcək də, haçansa bir keçmiş olacaq. Eynilə insanlar kimi; dünənin uşağı sabahın qocası, sabahın yaşlısı isə bu günün gəncidir. Həyatda nə zamanı, nə gəncliyi, nə də uşaqlığı geri qaytarmaq olur. Qocalıq üçünsə tələsmə. Qocalıq çağrılmamış qonaqdır. Qapıdan qovsan pəncərədən gələcək.
Sən bu dünyanın milyardlarla insanlarından biri olduğun kimi, mən də bu dünyanın milyardlarla illərindən biriyəm. Cəmi dörd fəsil ömrü olan bircə ili. Baharda dünyaya gəlib uşaqlığını yaşayan, yayda gəncliyini keçirən, payızda qocalan, qışda isə ölən cəmi üç yüz altmış beş günlük ömürün sahibi, bircə il.