مـدافن الألم .. طارق اللبيب

كان في الوكت داك .. قبل عشرين سنة .. انا كان عمري عشرة سنوات تقريبا.. وانا كنت ذكي ولماح وفصيح . وعندي عدم مبالاة غريب .. وما بخاف زي الاطفال .. وبتصرف كاني زول كبير .. .. يوم سمعت النقاش داير بين امي وابوي ..
و امي قالت لي خش جوة يا فتحي . اامي كانت قاعدة في سرير وابوي كان واقف على حيلو وبتكلم .. وشكلو خجلان من الكلام البقول فيهو ..لانو صوتو كان عادي مارافع صوتو .. اناقمت دخلت الاوضة .. وبقيت بعاين بي شق الباب .. وكنت خايف انو يقوم يزعل في النقاش ويضرب امي .. انا بخاف عليها شديد..
لانه كم مرة ضربها ..وانا كنت ببكي اكتر منها ..
ودايما بتناقش معاها بصوت عالي .. وبنهرها وهي بتكون ساكتة.. بس يطلع.. امي تخش الاوضة .. وتقعد تبكي .. انا كنت بحس بي الم مابعدو الم