Kwentongbuhay Stories

Sa likod ng magandang pangarap ay nakatago ang matinding sakripisyo. Ang kwentong ito ay sumasalamin sa buhay ng milyun-milyong Pilipinong nangibang-bansa-mula sa pagiging guro, kasambahay, manggagawa, nars, hanggang sa iba't ibang uri ng trabaho-handang tiisin ang pagod, lungkot, at layo sa pamilya upang maitaguyod ang kinabukasan ng kanilang mga mahal sa buhay. Sinasalaysay nito ang kanilang mga tagumpay at pagsubok, ngunit nag-iiwan din ng mahalagang paalala: ang tao ay may hangganan ang lakas at buhay. Hindi madaling magtrabaho sa malayong lugar, kaya't huwag sanang iaasa ang lahat sa iisang tao lamang. Ang tunay na tagumpay ay hindi lamang nasusukat sa kinikitang pera, kundi sa pagtutulungan ng buong pamilya upang maabot ang mga mithiin nang hindi isinasakripisyo ang buhay ng sinuman. Isang kwento ng pagmamahal, katatagan, at katotohanan-para sa bawat Pilipinong nakikipagsapalaran, at para sa mga naiwan sa sariling bayan.

Ang pagsisimula ay may kasamang hirap bago mo makamit ang buhay na nais mo. Ganyan ang "life", isang ligaw na bulaklak na nagsisimulang makibagay. Isang bulaklak na maaaring may tinik, may magandang kulay o maski may sariling pagkakatubuan.