فطرة Stories

ملي كتولي روحك معاكسة معاك، كتولي حركاتك مجرد تكرار آلي فـ فيلم مشروخ؛ كتفرجي فراسك من بعيد ومستغربة هاد 'الكائن' اللي كيتحرك بـ سميتك. الصمت كيولي ضجيج كيصدع بـ أسئلة بلا صوت، والأقنعة اللي لبسناها لـ راسنا باش نصدقو باللي حنا 'حنا'، كتسقط وحدة ورا وحدة. هاد التيه ماشي غي غياب الطريق، بل هو تحول 'الذات' لـ كيان متفتت، كتقطعي فـ رمل الشك، وكلما حاولتي تجمعي شتاتك، تشتتي كتر. الحقيقة كتولي عدوّ، والشك ملاذ، حيت الجواب غايعني نهاية وهمك، والوهم - وخا قبيح - هو الحيط الوحيد اللي حامي روحك من السقوط فـ الهاوية السحيقة. كتولي الروح غريبة، مطرودة من مملكة المعنى، كتهيم فـ صحراء تساؤلات بلا قرار. 'وحشة الروح' رواية كتعري الزيف اللي كنسميوه 'حياة'، وكتغوص بيك فـ كواليس النفس فين كيتصارع النور والظلمة. ماشي قصة عادية، بل رحلة بحث عن 'المركز' فـ عالم فقد توازنه. هي دعوة باش توقفي قدام مرايتك، وتواجهي الأسئلة اللي كتهربي منها، وتتأملي المسافة الفاصلة بين النسخة اللي كتنادي بها روحك، وبين النسخة اللي لقيتي راسك فيها وهي مكتشبهش لفطرتك. 'وحشة الروح' غاتكون هي صرختك المكتومة، واليد اللي غاتشد فيك وسط السقوط، والضوء الخافت اللي غايوريك أن 'اليقين' هو القدرة على المشي رغم ضبابية الطريق. هي رواية ما كتعطيش أجوب