ماكو Stories

بين صدفة ونظرة بداية 2024، بـ جامعة بالناصرية، كانت سارة تمشي بهدوء بين القاعات، مثل عادتها. عمرها 22، طالبة بقسم رياض الأطفال، معروفة بين البنات بهدوءها وتركيزها. ما تحب الضوجة، وتخلي كل وقتها للدراسة. بس اللي يلفت النظر بيها، مو بس هدوءها... ضحكتها الحلوة، وخطوتها المرتبة، وخصرها اللي يعطيها حضور مميز بدون ما تحاول. بهذاك اليوم، شافها علي لأول مرة. علي كان طالب قانون، مرحلة ثانية، وكان واقف ويا ربعه بساحة جامعة ذي قار. مرت سارة قدامه، وضحكت على شي حچته صديقتها. بهاللحظة، حس كأن الوقت وقف شويه. "منو هاي؟ من ذاك اليوم، صارت تتكرر الصدفة. يشوفها بالممر، بالساحة، مرات من بعيد ومرات تمر قريبة. هو ما يحچي... بس يباوع. مو لأنه ما يريد، بس لأن ما يعرف شلون يبدي. مرت الأيام، وصارت سارة جزء من يومه، حتى لو ما يعرفها. يوم من الأيام، وهو قاعد بالبيت، فتح الإنستغرام، وبالصدفة لكه حساب يشبهها. دخل، وتأكد... هي نفسها. تردد بالبداية، بس بالنهاية ضغط "متابعة". ظلت أيام بدون رد... وبعدين قبلت المتابعة. من هنا، بلشت مرحلة ثانية. علي صار يتابع كلشي تنزله: صورها، ستورياتها، ضحكتها اللي تبين حتى من الشاشة. كانت طبيعية، بسيطة، وما تحاول تبين شي مو بيها. وهو؟ باقي نفس الشي... بس من بعيد. مرّت سنة كاملة. سارة صارت بالمر