‌

مجرد فكرة وجود شخص بحياتج
             ينتظر يومة يخلص حتى يجي يحجي وياج
            يا خذلج صوره الملابسة، كل ما يطلع لمكان ويكلج شنو رئيج؟،ايشي يصير بحياته من مشاكل او مواضيع تضوجه اول شخص يفكر بي هو انتي ويجي يحجيلج،واثق تماماً لو بينكم مشكله صغيره او جبيره متعدي يوم ويصالحج او تصالحينه، يشاركج كلشي ويشوفج كلشي المحد شايفه بحياته الشخصيه، المهم فكرة آمنه ولطيفه ، كوني دائماً الامن والسكينه له ،والاهم هيج رجال حافظي عليه هواییييه ما يتعوض ترا .

- حَبيبَ الرِوح ☘️❤، 

فَكررو الهَا بوَية؟ شو احنه لدرِاسة نكعَد ساعاِت وتلفون ساعات واي شَي نحبة ودنة مانخَلصة ابد، كذَالك الصلاة متاخُذ ٥ دَ لو اقَل .

هيه دليل حبك لله عز وأجل ، واذا ما تصلي لا تكلي اني احب رب العالمين ابدد لا تحاول وراح انطيك دليل : وين أكو انسان يحب واحد وما يتواصل وياا !!!! وين اكو انسان يحب واحد وما يريد يلتقي بي !! احنه كـ مسلمين نفرض علينا الصلاة والصوم ، اذا تلاحض هويتك مكتوب عليها مسلم ، الصلاة عمود الدين ، تخيل ) أنت عندك خيمة ، وبنص هل خيمة عمود مستندة عليه الخيمة ، اذا زلته شراح يصير ) ! راح توكع فكذلك أول يوم الك بلقبر يسألونك عليه هيه الصلاة اذا قبلت قبل ما سواها ، واذا ردت رد ما سواها . ماكو شي يمنعك من الصلاة كل عذر ما عندك تره الصلاة حب اطمئنان راحة محد يحس بلذتها بس لمستمر عليها الصلاة ملاذ الخائفين وأمان المستضعفين ورزق الفقيرين وراحة الأغنياء وحضن الفاقدين ، رب العالمين من يشوفك ترجع وتصلي راح يكره ابليس بيك ، ويعينك على ذكره وشكره ، لا تكلي أكو شي يمنعني ماكدر انتضر وقتها وصليها بوقتها أو أكون دائما على طهاره بلعكس هلشي بي فائدة ألك تكون طاهر ونضيف دائما ، أضغط على نفسك اجبرها اذا ما تجبرها على الصلاة على شنو تجبرها لاتكون من الخاسرين الي نذكرو بالقرآن الي ختارو حياتهم وتركو أخرتهم من أجل ملاذات الحياة !!! لا تترك صلاتك أبد ابد . 

الي ميقدر وجَجودك وانتَ دائما مهتم بي وتنطي من نفسك حته ترضَي ودائما متخلي شي بخاطره وهوَ يخلي كلشَي بخاطرك ويفضل اشخاص عليّك وبالحضه يخرب وياك عوفه يمكن عايفك وقَت فراغةة يمكن انتَ اخَر ناس تجِي ببَاله لتخلي هذا الانسان بحَحياتك لان ميستاهل اعتبره علاقه عابره ونسا احسَن الك راحتِك اهم من كلشي ودائما اذكر الدنيا متوكف ع اي بـشر . 

الدنيا ما تستاهل نزعل ونبقى مقهورين يجي يوم وتنتهي مسيرتنا بالحياه لازم نروح واحنى مستعدين نروح واحنى مسوين كل شييرء بنفسنا نروح وما متحسرين ع شييء نروح مطمئنين ومخلين اثر حلو بحياة الناس
            نروح واحنى كايلين كلام حلو يجبر خواطر احبائنا وناسنا ، نروح واحنى فرحانين مو زعلانين وعابسين صح اكو ناس تكول الوحده والانعزال حلوين بس ماكو احلى من جمعات الاصدقاء والاقارب والاحباء ، تكره شخص؟ ليش تكرهه ما هي الحياه فانيه ما تستاهل كل هل كره والحقد
            روح من الدنيا وانت مماذي احد ، وانت مطمئن انو ما جارح او كاسر خاطر احد ، روح وانت جابر خاطر نفسك وخاطر غيرك ، روح وانت مرتاح ما متكبر ولا خسران احد تحبه ، نصيحه اذا اكو شخص زعلان منك راضيه متعرف الايام شنو ضامتلك وبالخير تتندم لان ما سويت هالشي ، ترى مو كلشي بالدنيا كبرياء ومكابره
            اذا شخص تحبه وعزيز ع نفسك مشتاقله روح كله لا تتردد ، لان صدكني راحتضل تتحسر ع هالشي بهد وكت صدكني تكدر تبدي بدايه جديده حب نفسك وحياتك محد حياخذ شييء ويا للقبر غير اعماله ، واختم كلامي بـ ” انما الانسان اثر فاحسنوا مآثركم . 

لا تثق بساع !!!! . 
            بمرور الوقت راح تبطل تعامل الكل على انهم مثلك ومثل تفكيرك ، ومتضمن احد ، ومتقدس احد ، ومتميز احد ، ولا تفضل احد على احد ، ومراح تنطي فرص لأي احد ، ويه الوقت راح تكتشف الي تصير سهل وياه راح يستهلكك ويستغل اقل فرصه حتى يوصل للي يريده منك خصوصاً الناس الي كل همهم نفسهم ومصلحتهم ( انانيين ) ، ويه الوقت راح تعرف انو الطيب والضعيف صعب يعيش بهل وقت كلش صعب ، ويه الوقت راحتعرف انو يحتاجلك وقت يله تثق باحد ولازم تفكر بكل خطوه تخطيها قبل لا تتصرف ايشيء لان ممكن تنكلب ضدك ، ويه الوقت راح تتعلم مو كلشي تشوفه تصدكه ولا كلشي تسمعه يعني حقيقة ، ويه الوقت راح تشوف التمثيل يم البشر اكثر بهواي من الافلام والمسلسلات ، ويه الوقت راح تعرف مو اي شخص يضحك بوجهك معناها يحبك ويريدلك الخير ، ويه الوقت راح تعرف مو كل كلمة احبك يعني صدك احبك مرات تجي اكرهك بس المقابل يستحي يكولها بوجهك ، راح تفهم الحياة صح وتتصرف صح وتحجي صح وتحس صح وتميز صح وتحب صح بس يرادلك وقت تفهم .

شغلات مو لازم عليكم أنو تكولوها لشخص اول متشوفوا ) ضعفان، يوهه هاي صاير شكبرك !!! ، وجهك صاير اسمر ، ملامحك محلوه ، خشمك جبير ؟ ليش هلکد صاير ضعيف شنو متاكل ؟ ليش اللوان بشرتك ممتوحده ؟ .. الخ) انت جاي تشوفه مو تهيج علي الجروح هاي اولاً ثانياً الكلمه الطيبة صدقة حتلو تكوله طالع حلو اليوم تدري حتبقى بباله هلشي وكلما يتعب لو شي يتذكر كلتمك ويكول فلان شخص من جنت تعبان وحالتي حاله عجبته وكالي شكد حلو طالع ! هاي الكلمات البسيطه ماعرف شتكلف بعض الاشخاص يعني هذا الكلام لأن داشوف هلشي بكثرة هل ايام او خلي نكول بهل سنوات الاخيره بإختصار ! وأني وحده من الناس الي عانت من هلشي وجنت اتأثر وابچي بس بعد مصارت طوخ السالفه صرت بس واحد يكولي هيچ ارده لا اتعامل ويا بإخلاقي ولا بتربيتي ارده على كد الحجي وبس الكلمه الطيبه صدقه ) حسنوا اسلوبكم ويه كل شخص لان ذني شغلات مو بأيدنا نتحاسب عليها . !

بـ يوم من الايام راح تعرف ان الطريق الي اختاره الله الك چان احسن الف مره من الطريق الي ردته لنفسك والباب الي انسد بوجهك الف مره چان وراه شي راحيتعبك والايد الي عافتك مجانت تناسبك من البدايه والبلاء الي تعبك مجان غير بس رحمه الك راح تعرف شغله بهذا العالم ماكو مجال للصدفه العمياء " إِنَّا كُلَّ شَيْءٍ خَلَقْنَاهُ بِقَدَرٍ" . 

وَاكول لنَاس محٰبوِبي، هذا الـ بلسَما يلاليي . 

تصنت لكلبي وشوف صوته 
            كلساع اموتن بيك موتة . 

قال جحا فَي ذات نهَار اني ليَس لدي حمار .