Salamat sa lahat, Sunshines.

Nawa'y habambuhay ninyong baunin ang mga aral ng aking kuwento. Huwag sana kayong madaling maniwala sa mga salaysay na ang layunin ay baguhin ang naratibo, manira at makuha ang kanilang pansariling hangarin. 



Pagsusulat ang pangunahing dahilan kung bakit ako nasa larangang ito. Nababasa niyo sa aking mga akda kung paano ako maninidigan sa katotohanan. Kung paano ninyo mapapansin ang kilos ng mga taong may hindi magandang motibo sa simula pa lamang. Gayunpaman, may mga katotohanan na mas mabuting ikubli na lamang upang hindi masira ang iba. Pipiliin ko ang kapayapaan. Pipiliin ko ang katotohanan. Totoo sa sarili, totoo sa mga nagawa kong ipaglaban, at totoong nagmamahal sa kuwento. 



Hangad ko na kahit anong mangyari, mangibabaw sa inyong puso ang liwanag at pag-unawa, aking Sunshines. 



Paalam, mag-iingat kayo palagi.