ازاد/طلعناها من المستشفى ورجعنا للبيت اهلي
تحمدولها ب السلامة و صعدتها للغرفة محجت شي لان
مبين جان تعبانه بحيث بلكوه توكف ف نومتها وطلعت
نزلت جوه لكيت اهلي كاعدين و عمامي كعدت يمهم
ابو ازاد/شلونها
ازاد/تعبانه خليتها تنام
ام ازاد/والله خطيه شنو ذنبها
عباس/هسه شنو شراح تسوي
مصطفى/لاتكول راح اقبل الهديه(البنيه)
حسين/شنو قررت شراح تسوي
ازاد/مادري مادري تعبان حتى من روحي 😥
ابو ازاد/يابه عيب ننطي حجايه للناس و بعدين نقلب
شيكولون علينه شيوخ شكدهم شكبرهم ماعدهم كلمة
بعد بقت يمك يله اترخص تصبحون ع خير
الكل/مرخوص وانته بخير
عباس/اي شكلت
حسين/فكر يله لاتتسرع ازاد
مصطفى/الله كريم روح ارتاح روح
ازاد/تصبحون ع خير
الكل/وانته بخير
ازاد/صعدت بدلت و حضنتها و نمت ثاني يوم كعدنا
الصبح تريكنا و حجيت ويه ابويه يأجلها السالفة مال
هدية شكم يوم بين ما ترتاح حوراء واحنا هم نرتاح
شويه خابر ابوي ع الرجال كله عدنا ظروف راح نأجلها
السالفة المهم اتفقنا أسبوع و نجيبها الهدية
حوراء/من رجعت من المستشفى واني ما احجي ويه
ازاد و الكل انتبهلي حتى من يجيبون طاريه لو اغير
الموضوع لو اكوم منهم ف همه محد ضغط عليه مر
اسبوع و سمعت عمو يحجي ويه ازاد راح يعقد عليها
اختنكت و صعدت فوك ابجي من كل كلبي حسيت
روحي وحيده و محد يحبني ولا متقبلني بقيت بالغرفه
ما انزل جوه بس اذا عدنه شغل وكذا انزل و وراها
اصعد حتى ويه عمتي والبنات هم ما احجي وياهن
ع كد السؤال وبس لان تعبانه حتى من نفسي مابيه
حيل اشيل روحي حتى راح ازاد جاب البنيه و عقد
عليها اني مانزلت بس اسمعهم اجتني نورهان للغرفة
نورها/حبيبتي اني شعليه متحجين ويايه وبعدين
مو زين عليج هيج تسوين بروحج حتى اكلج قليل
ازاد يحبج والله يمووت عليج وهاي كم يوم وتروح
حوراء/اي يحبني لدرجه راح يتزوج عليه لو انتي
بمكاني شراح تسوين
نورهان/حقج والله اني لو بمكانج جان سويت مثلج
ويمكن اكثر
حوراء/اي شفتي لذلك لاتلوموني و اصلا اني مابقى
هنا بعد لان ماتحمل
نورهان/بس ازاد ميخليج شلون
حوراء/مو بكيفه و الله كريم
نورهان/اي والله الله كريم حبيبتي
حوراء/راحت نورهان و اني بقيت ب الغرفة و قت
العشه نزلت و شفتها للبنيه ابد مارتاحيتلها و تخزر
بيه اني ماهتميت كعدت اكل
ابو ازاد/اي ازاد اليوم كملها شغلتك
ازاد/بس يابه زواجنا هيج
ابو ازاد/بابا هاي السوالف الشباب بطلوها مآثره
عليكم المسلسلات لو شنو هيه مرتك بعد لازم تاخذها
ازاد/انشاءالله يابه يصير خير
حوراء/ماهتميت من اليوم كلت بعد ماهتم راح اغير
تصرفاتي و كلامي و اتجاهلهم احسن مثل ما همه
متجاهليني خلصت اكل و ازاد مشال عينه عليه اني
كمت غسلت الماعين ويه البنات و صعدت للغرفة
اجه ازاد اخذا ملابس اله و ماحجه ويايه بس باوع
عليه وذب حسره تعب و طلع اني قفلت الباب و بدلت
و خابرت صديقاتي المقربات و حجيتلهن الصار وهنه
خطيه زعلن و انقهرن حتى كامن يبجن ويايه جنت
فاتحه كامره بعدين حجيت و سديته كمت جاي اشرب
مي هو ع الميز وصلت يم الميز سمعت صوت هلاهل
عرفت اخذها عفت المي ورجعت كمت ابجي بعدين
حسيت ع روحي كلت عليمن ابجي ع شخص
ميستاهل نمت
