حوراء /ثاني يوم أزاد جاي يروح للشغل حضرت ملابسه
أزاد/حبيبي
حوراء/هاا حبي
أزاد/أحبج
حوراء/و أني هم أحبك
أزاد/ممصدك أنو رجعنا مثل قبل
حوراء/صدك حبي بس والله أذا عدها أكتلك أنته وياها
أزاد/هههههه لا عمي التوبه
حوراء/هههههه الله لايحرمني منك
أزاد/حياتي ولا منج
حوراء/شهالجمال بابا شطالع اليوم
أزاد/هههههه بزود الأحبها
حوراء/ههههههه بزودي طبعا
أزاد/منو يكول
حوراء/أزاددددد
أزاد/أشاقه أشاقه يروحي أنتي
حوراء/خلي نروح نزور لكربلاء
أزاد/من أرجع أنشاءالله
حوراء/شوكت ترجع
أزاد/ب 5 العصر و نروح لكربلاء و ثاني يوم الظهر نرجع
حوراء/أوك حبي دير بالك ع نفسك
ازاد/😘 و أنتي هم عمري باي
حوراء/😘 باي
راح أزاد للشغل و أني نزلت و تريكنا و بعدين نظفنا البيت و سوينا الغده و رحنا نصلي أني صليت و نظفت الغرفة و عطرتها و حضرت ملابس أزاد حتى من يجي يلكاهم جاهزات خليتهن ع الجربايه و رحنا تغدينه و بعدين غسلنا الماعين و سوينه جاي و كعدنا نسولف
رقية/أكول بنات أني شاكه بروحي حامل صارلي 3 أيام أتقيأ و لعبانه نفسي و حتى ماشتهي أكل و الشهريه تأخرت عليه
نورهان/ثول لعد متكولين حتى ناخذج للدكتورة
حوراء/يي صدك روحي ويه عمتي للدكتورة
رقية/يي هسه أكولها
حوراء/انشاءالله تطلعين حامل حبي
رقية/أنشاء الله و أنتي هم
حوراء/حياتي
نورهان/الله يرزق الكل بالذرية الصالحه
البنات/انشاءالله
رقية/العصر كلت لعمه و كلت لعباس و كلي روحي بدلت و رحت أني و عمتي للدكتورة و سويت تحاليل انتظرنا شويه و دخلنا للدكتورة
الدكتورة/حبيبتي ألف مبروك أنتي حامل بالشهر الثالث شلون متدرين
رقية/الله يبارك بيج دكتورة بس مادري ما أجت ع بالي
الدكتورة/المهم حياتي انتبهي ع نفسج و هاي فيتامينا سجلتلج و كذا و ألف مبروك مرة ثانيه
رقية +أم أزاد/الله يبارك بيج
طلعنا و عمتي تبوس بيه و حاضنتني و مكيفه المهم رجعنا للبيت ب 7 عباس جان طالع الكل باركولي و كذا بعدين تعشينه و صارت ب 10 كلمن راح لغرفته
حوراء/صارت ب 5 أجه أزاد سبح ولبس تراك و اتغده و انوب بدل و اني هم مبدله و كلنا ل أهله و سلمنا عليهم و طلعنا صعدنا بالسيارة و توجهنا لكربلاء المقدسة❤❤❤❤❤❤❤❤❤❤❤❤
وصلنا أشترينا علك و أتفقنا ع الوقت و المكان دخلنا نزور و صلينا و بقيت كاعده بالأمام العباس و بعدين بالأمام الحسين عليهما السلام و بعدين طلعنا و بقينا نفتر رحنا للمطعم و اشترينا ملابس و غراض و حلويات ألنا و الأهله و أشترينا هوواي شغلات و بقينا نزور بعدين ثاني يوم حجزنا بالفندق و نمنا من التعب و صارت الساعه ب 3 الظهر بدلنا ورجعنا للبيت
أزاد/ رجعنا للبيت تعبانين بحيث كبل نمنا و كعدنا بلليل وزعنا الحلويات و العلك جبنه النا و الهم و تعشينا و بقينا نسولف وجبنه هديه لرقيه لأن حامل و بعدين كلمن راح لغرفته
--------------------------
رقية/رحت للغرفة و تقريا ب 12 أجه عباس دخل بدل و وكف كبال المرايه يعدل بشعره أني أجيت حضنته و كتله
رقية/أحبك 😍
عباس/أعشقج 😍
رقية/عندي خبر ألك يخبلللل 🤗
عباس/خير أنشاءالله
رقية/خير خير و بي كل الخير
عباس/يي بشريني
رقية/عباس أني حامل 😊
عباس/.....😶😶😶
رقية/ههههه☺☺☺
عباس/صدك تحجين
رقية/والله أني حامل
عباس/بدون شقه رقية
رقية/والعباس أني حامل
عباس/لج أحبججججج أمووووت عليج يروحي أنتي 🤩🤩🤩🤩🤩
رقية/أني هم ❤(شالني و يفتر بيه)
عباس/ألف ألف ألف مبروك عمري
رقية/الله يبارك بيك عمري
عباس/بيا شهر حامل
رقية/حامل بشهر الثالث
عباس/لا والله و هسه يله دريتي
رقية/ههههه يي شمدريني حتى الدكتور تكول هيج
عباس/ديري بالج ع نفسج و ع الطفل باباتي
رقية/أنشاءالله
عباس/جوعانه مشتهيه شي أجيبلج
رقية/سلامتك حبيبي
عباس/لا تستحين أحجي
رقية/ماريد والله ما أشتهي
وراها بقينا كاعدين نسولف وبعدين نمنا و كلش فرحانين لأن راح يجينا بيبي (الله يرزق الجميع بالذرية الصالحة بحق محمد و آل محمد)
-------------
مرحيا بنات أعرف طولت هوواي عليكم يله نزلت القصة بس مثل متعرفون ماكو تفاعل رجاءا تفاعلوا لأن جاي أتعب بالكتابة و توصيل الفكرة ألكم حبايبي أنشاءالله القصة تعجبكم و باجر ينزل البارت ألي وراه
و رجاءا أتفاعلوا و صوتوا و علقوا ع البارتات باي حبي
