اركان ركب عجلتو بسرعه وفعلا قدر يوصل عند امال وقرب من عجلتها وحركها بعيد عن العربيه وآمال وقعت من العجله والعربيه عدت وأركان وقف بعجلتو وبص لي امال وانفجر من ضحك
امال بضيق : انت بتضحك كنا هنموت
اركان بضحك : تعرفي اني عمري ما جربت مغامرات زاي دي
امال وهي بتقوم من الأرض : لا انت مجنون رسمي
امال مقدرش تقف اركان قرب منها
اركان : انتي كويسه
امال بوجع : رجلي بتوجعني
اركان : تحبي اشوفها
امال بغضب : عيب بقا هي متوصلش لكدا
اركان بضحك : يابنتي فهمتي ايه هشوفها بس مكسوره ولالا
امال : لا اتكل يلا امشي وشك اسود عليا
اركان وهو بيحط ايدو علي وشو : بذمتك وشي اسود
امال بتوتر : احم انا لازم امشي
اركان : طب تعالي اسندك
امال باستسلام : ماشي
اركان مسك ايد امال وقومها وبعدين شالها و امال انصدمت
اركان : ماشي اشتمي وقولي عني قليل الادب ونزلي ونززززلي ومش هنزل يعني اختصري الكلام ده وسكتي
اركان مشي بيها وراح لي بيت جدو ومرات عم امال كانت متابعه كل ده بحقد
اركان وصل بيت صادق وخبطت علي الباب ومريم فتحتلو واول ماشافت اركان شايل أمال اتعصبت
مريم بغضب : انت شايلها كدا ليه نزلها
اركان بضيق : رجليها بتوجعها
اركان دخل جوا البيت وقعدها علي كرسي
امال بضيق : مينفعش كدا افرض بابا كان شافنا أو اي حد من قرايبي
اركان بضحك : وفيها ايه
امال بغضب : لا شغل الولاد معا بنات ده مش عندنا
اركان بضحك : بس خلاص خلاص اهدي تعالي اشوف رجلك
امال وهي بتقوم من علي كرسي : مستحيل
مريم دخلت اوضتها وطلعت شنطه سفر بتعتها وبتاعت اركان
مريم بضيق : اركان يلا هنمشي
اركان بصدمه : نعم
مريم : تالا كلمتني ولازم نروح عندها انهارده
اركان بضيق : خليها بكرا
مريم بغضب : مفروض تكون قد الي عملتو ده وتكملو للاخر معتز جاي بكرا مصر وده معنه انو هيحاول يأذيك
اركان ببرود : بس انا مش عايز اسافر دلوقتي
صادق : حبيبي انا كويس متخافش عليا روح انت بس شوف شغلك
