ခွဲခွာခြင်း
(သို့)
နိဒါန်း
'ငါ့ကိုကြည့်ပြီးတစ်ခုခုပြောပါဦး မော်ကွန်း'
အက်ကွဲနေသောအသံသဲ့သဲ့ဖြင့် စူးရှစကားစပြောလိုက်သည်။
တုန်ရီနေသော ငိုသံသဲ့သဲ့လေးနှင့် ဆို့နင့်နေသောမျက်ဝန်းတစ်စုံကို မော်ကွန်းဘယ်လိုနှလုံးသားမျိုးနဲ့ကြည့်ရက်မှာလဲ။ သူအရမ်းကြေကွဲနေတာ မော်ကွန်းသိသည်။ သူ့အတွက်မော်ကွန်းကဘယ်လောက်အရေးပါလဲဆိုတာသိသည်။သို့သော်...
'ငါတောင်းပန်ပါတယ် ငါ့ကိုGayဇာတ်မသွင်းပါနဲ့'
မော်ကွန်း မျက်လုံးစုံမှိတ်ကာ အော်ပစ်လိုက်တော့သည်။ ဒေါသအသံမပါပေမယ့် စိတ်ရှုပ်နေတဲ့အသံတော့ပါမည်။
မော်ကွန်းစကားကြောင့် စူးရှမှာ စကားသံပင်ထွက်မလာတော့.. ရှိုက်ရှိုက်ကာငိုနေတော့သည်။
'ဟာ မဟုတ်ဘူး မဟုတ်ဘူး ငါမင်းကိုအဲ့လိုသဘောပြောတာမဟုတ်ဘူး'
စိတ်ထဲကနေ မဟုတ်ဘူးပြောနေမယ့် တကယ်တမ်းကျ မော်ကွန်းပါးစပ်မှစကားတစ်လုံးမှထွက်မလာခဲ့ပါ အံကိုကျိတ်လက်သီးကိုတင်းတင်းဆုတ်ထားရင်းသာ တင်းခံနေလိုက်သည်။
စူးရှဆိုတာမော်ကွန်း ၁၆နှစ်အရွယ်ကနေ အခုချိန်ထိ မော်ကွန်းနဲ့အမြဲတူတူရှိလာတဲ့လူတစ်ယောက်.. မော်ကွန်းအကြောင်းကို မော်ကွန်းထက်ပိုသိပြီး သူ့ကိုနားလည်ပေးနိုင်ဆုံးလူတစ်ယောက်...
ထိုသို့အရမ်းရင်းနှီးခဲ့ကြသည့်လူနှစ်ယောက်တစ်ရက်တည်းမှာပင် သူစိမ်းသာသာမက အချစ်ရ ဆုံးသူရဲ့ အမုန်းဆုံးလူအဖြစ်ပါစာရင်းသွင်းခံရတော့မည်။
မော်ကွန်းစိတ်ထဲကနေ ငါ့လိုလူကို မုန်းလိုက်ပါတော့စူးရှရယ်လို့သာ ဆုတောင်းနေမိသည်။
ပတ်ဝန်းကျင်တွင် ငိုသံမှတစ်ပါး အရာအားလုံးငြိမ်သက်နေသည်။အတန်ကြာအောင်ငိုရှိုက်လို့ပြီးနောက်တွင် စူးရှ ဆုံးဖြတ်ချက်ကိုသေချာချလိုက်သည်။
ထို့နောက် နှုတ်ခမ်းကိုတင်းတင်းစေ့လိုက်ကာ
'ကောင်းပြီလေ အဆုံးသတ်ကြတာပေါ့'
စကားတစ်ခွန်းဆိုကာ လှည့်ထွက်သွားလေတော့သည်။
'ဪ .. အခုလိုကြပြန်တော့ နှုတ်ဆက်စကားလေးတောင်မဆိုသွားဘူးပဲ'
ကျောခိုင်းသွားသောနောက်ကျောပြင်လေးကို ငေးကြည့်ရင်းမော်ကွန်းရေရွတ်လိုက်မိသည်။
သူတကယ်စိတ်နာသွားလောက်ပါပြီ။ သူ့အသံကငိုလို့အားရ၍ထွက်လာသောအသံမဟုတ်သလို ပြောနေကျအတိုင်း ချွဲကာပြော၍လည်းမဟုတ် စူးရှအသံမှာ မာကျောသည် ပြတ်သားသည် တစ်ခုခုအားစိတ်နာ၍ပြောသည်နှင့် ဆင်တူသည်။ သို့သော် သူကျွန်တော့ကိုချစ်သေးသည်။ တစ်ဆက်ထဲမှာပင် သူကျွန်တော့ကိုမုန်းသည်။ ထိုသို့ဆိုသည်ထက် ကျွန်တော်ပြောလိုက်သော ဂေးဆိုသည့်စကားကို သူမုန်းခြင်းဖြစ်သည်။
သူမရှိသည့်ပတ်ဝန်းကျင်ဟာ ကျွန်တော့အတွက်အတွက်တော့ သုသာန်တစပြင်လိုပင်..
လေပြင်းတိုက်ခတ်သံသဲ့သဲ့ နဲ့အတူ Juneလရဲ့မိုးက အစပျိုးစပြုလို့လာခဲ့ပြီ..
'ချစ်ရသူကိုဆုံးရှုံးခဲ့တဲ့ ကျွန်တော့အတွက် မိုးသဲပေးပါ.. သူနဲ့ပက်သက်တဲ့အမှတ်တရများစွာကို မိုးရေနဲ့အတူချေဖျက်လိုက်ချင်လို့ပါ....'
***********************
(Maw Khun)
ကျွန်တော်ကသာမာန်လူတစ်ယောက်။ ပိုက်ဆံကလည်းမရှိ မိဘကလည်းမစုံမလင်နဲ့။ပြီးတော့ အမေနဲ့ ညီမလေးကိုငဲ့ရသေးတယ်။ ကျွန်တော့်ကိုယ်ကျွန်တော်အလိုလိုက်လို့မဖြစ်ဘူး။ ကျွန်တော့ဘဝအတွက် ကျွန်တော်တစ်ခုခုကိုရွေးချယ်ရမယ်။
အချစ်လား!
ဘဝလား!
(Sue Sha)
လူအသိုင်းအဝိုင်းကလက်မခံတဲ့ လိင်တူချစ်ကြိုက်တယ်ဆိုတာကြီးကို လက်ခံလာအောင် 'မော်ကွန်းနဲ့ ကျွန်တော်' မမကြီးတို့ကိုသက်သေပြချင်တယ်
သို့ပေမယ့်
ကျွန်တော်ဝန်ခံပါတယ်
'ဒီပွဲမှာကျွန်တော် ရှုံးတယ်'
