سيف :يا فندم مع احترامي الشديد لحضرتك بس انا مش عاوز معنا حد الفريق الخاص بيا قوي جدا وبفضل الله نجحنا في كل المهمات اللي فاتت وان شاء الله المهمه دي هتم على أكمل وجه من غير مساعدة من اي حد
اللواء :سيادة المقدم انا عارف كويس قدراتك وقدرات فريقك عشان كده اخترتك انت وانت الاجدر بالمهمه دي بس لازم المقدم ميارا تكون موجوده وجودها مهم جدا و
قطع سيف كلامه : نعممممممممم وهي كمان بنت
اللواء :سيف ما تتخطاش حدودك في ايه انا عارف بعمل ايه كويس وتاني مرة اياك انك تقاطعني وانا بتكلم
المقدم ميارا من أكفاء القاده وانا واللواء مجدي رشحناها للمهمه دي لأننا واثقين فيها جدا وفي قدراتها يلا الاجتماع انتهى واتمنى انك تحافظ على لقب فهد المخابرات يا سيادة المقدم
سيف بضيق وهو يؤدي التحيه العسكريه :حاضر يا فندم تحت امر حضرتك وان شاء الله هتكون عند حسن ظن حضرتك
خرج سيف من الغرفة الخاصة بالاجتماعات وكاد أن يموت غيظا فهو يحب فريقه لأنه كان مدربهم من البداية يفهمونه ويطيعون أوامره لكن من هذه الميارا التي ستذهب معهم في هذه المهمه الخطيره
وأثناء تفكيره اصتدم بها كادت هي أن تسقط بسبب هذا الحائط البشري الذي ظهر أمامها لولا أنها ابتعدت عنه للخلف في لحظه
هي :انا اسفه جدا لحضرتك والله ما اقصد
سيف :لا خلاص ولا يهمك انتي مي
قطع كلامه عندما تركته وغادرت وهي تقول :طيب سلام عليكم
نظر لها بدهشة من هذه المنتقبه وماذا تفعل هنا
بعدها ذهب لغرفته ظل شاردا فترة كيف كيف هذا ...فتاة منتقبه يا ترى لما هي هنا من الأساس
الى أن أتى صديقة خالد
خالد :في ايه يا سيف مالك وصوتك كان عالي وانت عند المدير
سيف :تعالى شوف الهنا اللي انا فيه حضرته جايبلنا حد من برة الفريق لا وكمان بنت
خالد :ههههههههه وانت متعصب ليه يا عم كده أهدى على نفسك شوية
بس هتبقى مشكلة احنا هنحمي نفسنا ولا نحميها
سيف:لا ما تقلقش بس اعتقد انها قادرة تحمي نفسها كويس اللواء قال إنها مقدم وواثق فيها ثقة كبيرة جدا ما تخفش
بس يا خوفي تكون نها التانيه واشي هاي واشي باي والهبل ده
خالد :هههههههههه نهى اللي مش سيباك في حالك ربنا يستر و....
الباب خبط والعسكري دخل وقال :بعد اذن سيادتك يا فندم اللواء عاوز حضرتك
سيف :تمام روح انت
العسكري أدى التحيه :تمام يا فندم
خالد :هو في ايه مش لسه جاي من عنده
سيف :الله اعلم اديني رايح اشوف في ايه
ذهب سيف إلى مكتب اللواء بعد أن طرق الباب واذن له بالدخول
اللواء :اتفضل يا سيف المقدم ميارا جاية عشان نتعرف عليها وتبدأو الخطه
سيف :تمام يا فن.......
قطع كلامه طرق على الباب وبعدها دخلت هي بطلتها التي تخطف الأنفاس .
سيف :انتي
ميارا :انت
اللواء :ايه ده انتو تعرفوا بعض
ميارا :لا حضرتك انا كنت هخبط فيه برة بس
اللواء :اعرفك يا سيف سيادة المقدم ميارا السيوفي ميارا دا المقدم سيف فهد المخابرات
وكان أحدهم سكب دلوا من الماء البارد على رأسه كيف لهذه المختمرة أن تكون هنا والصدمه الأكبر أحقا هي مقدم
فاق من صدمته ومد يده يسلم عليها
اما هي :
اهلا بحضرتك يا سيادة المقدم بس اسفه انا مابسلمش
سحب يده بهدوء ونظر لها ببرود وقال: اهلا
ونظر لها من أسفل إلى أعلى وقال على فكرة احنا مش هنصلي دلوقتي احنا رايحين مهمه
ردت عليه وقالت :عارفه كويس حضرتك وده لبس المهمات بتاعتي
قطع كلامهم اللواء :طيب كويس جدا نبدا الشغل بقى
