بارت٧
#روايات من الواقع
#الكاتبة هدى كريم
#باقين على العهد
ميس.....عمه شوكت تجون
سماهر......باجر نجي
ميس.....والله خايفه من ردت فعل ابويه كولش
سماهر ......بتي عوفيها على الله
ميس.....ثاني يوم اجوي عمتي وحسن مقبل عمتي تجي وحدها كال بلكي اقنع عمي
حسن.....عمي احنه شنو ذنبنه انتو بينكم واني رايد ميس وهيه هم تريدني ليش احنه نتحاسب على شي مالنه ذنب بي
سماهر.....خوي فدوه اروحلك بس اسمع هذوله شنو ذنبهم واكعين بنصكم انتو اخو بينكم تخاربتو ميصير هذوله يشيلون ذنب مالهم بي
الاب......بصياح ذنبهم هم اولادنه يتحملون اني لو تنكلب الدنيا ما اطي بتي الهم ......ميس مييييييس
ميس.....واكفه وره الباب واصنط على الحجي وابويه صاحني كمت ارجف رجليه ما احس بيها رحت نعم بابا
الاب.....من شوكت حضرتج تعرفين حسن
ميس.....بابا هو طالب ويايه بجامعه واجه سلم عليه وتعارفنه ومن احتاج شي هو موجود
الاب.....اني مخليج بلكليه حتى ادرسين مو علمود غير شي اني هيج ربيتج هيج علمتج انتي تكسرين حجايتي لا وي منو وي واحد ما اناسبه لو تنكلب الدنيا باعي لج لو تموتين حسن متزوجينه واني ما اوافق على هذا الزواج ابد
ميس.....ابوي يرزل بيه ويحجي عليه واني ميته بجي حسن وعمتي وامي يسكتون بي ويهدونه وهو ولا يمه
الاب.....وجهج ما اشوفه بعد
ميس.....راحو عمتي وحسن وبدت معاناتي وي ابويه كام ميحجي ويايه ولا يكعد ويايه كلاص الماي اذا راده اودي مياخذه مني حاربني حرب نفسيه الف مره تمنيت لو يضربني ولا الي ديسوي وياهي اعصابي تلفت انهاريت كولش بقينه على هذا الوضع فتره طويله وحسن مكمت اشوفه لان عطله وطلعتي صعبه وابويه محاربني بكلشي لحد ما فد يوم جنت ميته قهر وتعبانه كولش ومماكله اي شي كمت ما اشتهي الاكل خاف اني عايزه ضعف وابويه صاح على اختي راد ماي اختي جانت اسوي عشه ملتهيه وديته اني اطيته اله بقيت واكفه ولا يمه ولاجني موجوده متت عبالك سجينه نحطت بصدري اختنكت كولش عفتهم وصعدت فوك بقيت افتر بالغرفه اريد اتنفس ما اكدر تخيلت راح اموت لان النفس كام ميطلع واسحب اريد اتنفس ما اكدر كمت اشهك دخلت عليه اختي
فرح....شبيج ميس شبيج
ميس......ما اكدر احجي بس ااشر بيدي واشهك
فرح....اباوع عليها صارت شفايفها بيض وجها ازرك نزلت اركض الحكو ميس اختنكت ....اهلي كلهم طفرو بسياره وفقدت بسياره فد مره تخبلنه مندري شصار
الدكتور.....هاي اول مره اصير وياها
الاب....اي اول مره كلشي مابيها بسرعه وكعت واختنكت
الدكتور.....لا هاي مو بسرعه الي عدها نهيار عصبي قوي البنيه متعرضه لضغوط هواي خلال هاي الفتره وبنيتها ضعيفه متتحمل ننتضر نتيجت التحاليل اتوقع فقر دم هم عدها
ميس.....صحيت بالمستشفى كلهم على راسي اول شي اجه بالي حسن هسه يضل باله
الاب.....الحمد الله على السلامه
ميس.....كمت ابجي واخيرا حجه ويايه ...الله يسلمك بابا
طلعوني من المستشفى واطوني مهدئات وادويه اكثر وكتي بس نايمه يومين يالله صحيت احس نفسي احسن ابويه كام يحجي ويايه بس منعني من حسن ما احجي ويا ابد بس اني ما اكدر.....حسن دره وتخبل سوده عليه كل ما اصحه ادزله اكوله صرت زينه لايضل بالك لحد ما صحيت يالله كمت احجي وياه
حسن.....لا تشيلين هم ولاتفكرين حبي هيه تفرج
ميس......مدام اسمع صوتك اني بخير هاي الفتره كله بقينه سوالف والامور تمام اني وحسن بس اني اعصابي تعبانه وكمت احس بي لعنه مو حب بس عذاب احجي بيني وبين نفسي حبيش هذا بس اذيه بس قهر بس ذله كافي تعبت شنو اني بشر ما اتحمل بعد لاهلي يرحموني ولا اني اكدر اخذ الي احبه شمسوي هو حبيت كل الي يحبون مثلي لو بس اني هيج عبالك مسويه جريمه مو حب بهاي الاثناء احجي وابجي دك عليه حسن عصبي هم متعارك وي ابوه
حسن......لو اني لو هو اله اقنعه بكيفهم يتحكمون بحياتنه
ميس.....حسن عفيه كاافي كااافيه تعبت ماريدك بعد كافي خلي ننهي كلشي بينه وكل واحد يروح بطريقه شنو هالعذاب ....انعل ابو هيج حب
حسن.....تتخلين عني بهاي السهوله ميس شكاعده اشوفيني ...حاربت الدنيا كلها علمودج حتى اهلي تالي هيج اجازيني وج حتى ابويه وكفت ضده وبعمري ممسويها واكف بوجها تالي تردين تعوفيني
.براحتج سوي الي يريحج ما اجبرج تبقين ويايه
ميس......حسن سد التلفون واني نهاريت بجي وبقيت كاره الدنيا كلها اقشمر نفسي اكول اي هيج احسن ماكو امل خلي نبتعد بس من اصفن احبه ما اكدر بدونه ما تخيل حسن يحب غيري ويزوج غيري بقينه اسبوعين واحد ميحجي وي الثاني بس ما احجيلكم بهاي السبوعين شصار بيه وشلون تعبت وتاذيت الوكت كام ميمشي عدي كلشي توقف كمت احس نفسي ملل وتعب وعجز وكسل احس روحي خامله ومالي خلك كمت حتى ما اباوع على نفسي بالمرايه
حسن.....سديت التلفون وميت قهر من الي سمعته من ميس معقوله هيج بسهوله تبيعني وتبيع حبنه معقوله بهاي السهوله تستسلم وتضيع تعبنه احنه صبرنه تالي هيج مجازات الصبر اني حبيتج وفيت وياج والي اكدر عليه دا اسوي وحاربت الدنيا علمودج تالي هيج يطلع منج
سديت التلفون واني ادري هاي مو النهايه بينه بس كلبي شال عليها نقهرت
حيل منها بقينه اسبوعين ابد لا دكت ولا دزت مسج هيه لو دازه او داكه ما اجاوبها بس افرح بس هيه ابد يوم عن يوم كمت اصدك بلي كالته صدك عافتني وتريد تبتعد صدك تعبت....كمت افكر معقوله ميس تنساني وتروح لغيري ....اا والله لو اخر نفس بيه ميس متصير لغيري .....اختنكت وطلعت من الغرفه صار بوجهي ابويه
الاب.......متكلي شبيك كالب وجهك نهار كله وخاتل بالغرفه
حسن....سلامتك يابه ردت اغير جوه وكعدت بالغرفه
الاب.....عدل اسلوبك ويايه مو نطيتك عين
حسن.....يابه انت على راسي بس ارحمني الخاطر الله تدري الي بيه وتعرف شريد ليش تشلع كلبي وتاذيني
الاب.....باوع هاي بنات كومه كدامك اختار احسن وحده واني ازوجها الك وحتى المشتمل اني ابني الك بس بت عمك لا
حسن.....واني ممحتاج شي من احد ولو هيه لو ما ازوج
الاب.....ويطبك طوب
حسن...... عفت البيت وطلعت وامي خابرت عمتي كلتلها الصار
سماهر.....اجه حسن شكله مينوصف تعبان وجوه عيونه اسود ماله خلك لروحه.....تاكل
حسن.....لا عمه تعبان كلش راسي يدوي ولعبانه نفسي من كلشي
سماهر.....والله ياعمه الله يساعدك الي تمر بي مو سهل بس شبيدنه الي نكدر عليه نسوي
حسن......احس نفسي تعبان كلش راح اتمدد شويه
يتبع.....
