___________________________ في حي متوسط تعيش اسره بسيطه في شقه بسيطه ليس كبيره ولكن يملأها الحب والدفئ يعيش رجل وبناته الأثنين لارا وريم وهو يحب بناته كثيرا ولكنه حزن كثيرا من اجل وفاه زوجته لان يحبها بشده وهو يعمل من اجل بناته كي يتعلموا ولكنه مريض بمرض الكانسر ولكن بناته لا يعلمون .... دخل الحاج احمد إلى غرفه بناته لكي يستيقظوا للذهاب إلى المدرسه ولارا إلى الكليه احمد: يلا يا بنات اصحوا لارا: امممممم احمد: هو ايه اللي اممم اصحوا اما عملتلكوا الفطار بت يا ريم قومي عشان المدرسه ريم: حاضر هقوم اروح وناهد وكلنا احمد: يلا يا حبايبي تعبتوني قامت لارا وريم إلى والدهم لارا: مالك يا بابا احمد: الحمدلله يا حببتي مفيش حاجه لارا: متأكد يا حج احمد: متأكد ريم: الله على الفطار الجامد لارا:انتي يا بت سيبي الخيار ده متكلهوش كله ريم: وانتي مالك يا زفته انتي طب ما انا كمان بحبه وأثناء شجارهما اتجه احمد إلى غرفته وهو يقاوم الألم حتي لا تقلق بناته أما في الخارج جلست لارا تتناول فطورها هي وريم ريم: هو بابا مش هيفطر نادت لارا بصوت عالي: بابا مش هتفطر احمد من الداخل لا كلوا انتو انا فطرت لارا: اشطا يا حج لارا وهي تنظر إلى ريم ريم: في ايه بتبصي كده ليه لارا: انا هاجي اخدك من المدرسه انهارده ريم: ليه هو انا عندي سنتين لارا: اصل آخر مره جيت عشان اخدك لقيت ولد بيحاول يمشي وراكي لولا أن انا سألته راح مشي وخاف بس استغربت قولت هي ديه مناظر تتعاكس ريم بصوت عالي: ليه يختي وعلى فكره الواد ده كان زميله ايام اعدادي وحاول يكلمني بس انا طنشت لارا: اتوكسي يلا قومي البسي عشان اخدك عل سكتي ريم: ماشي ____________________________________ اما عند الشخص الغامض كان جالس في مكتبه يفكر في العمل دخل عليه صديقه جاسر إليه وقال له: ايه يا عم بتحب ولا ايه سرحان كده ليه اسر بصوت غامض ومرعب: اسكت جاسر بخوف: يخربيتك انت بتتحول ولا ايه ايه الرعب ده اسر: كنت جاي ليه جاسر: والدك بيقولك انه مسافر وممكن ميرجعش مصر تاني ولو عاوزه روحله انت وبيقولك انه كتب الشركه بإسمك اسر: تمام جاسر: انت مش زعلان أن باباك ماشي اسر ضحك بسخريه: ازعل وهو اللي كان بيعمله في امي وكان بيشوف دموعي كان مش بيزعل عليا ليه جاسر: خلاص يعم روق دماغك تعالى اعزمك على سندوتش شاورما سوري(الاكله المقدسه عندي انا وصحابي بعد الدرس 😂) ضحك اسر: لا يعم انا مش جعان هاتلي قهوه جاسر: ايواااه جاااااي من عنيا يا عسل ثواني وتكون عندك ضحك اسر على صديقه الذي يخرجه من مزاجه السئ دائما _______________________________________ وصلا كل من لارا وريم لارا الى كليتها وريم إلى مدرستها دخلت لارا الي كليتها لتلتقي بصديقتها مريم لارا: ايه يا ابو المرايم عامله ايه مريم: الحمدلله يا أختاه لارا: بقولك انا جعانه اوي مريم:تعالى اعزمك على اندومي لارا: اشطا يا زميلي ____________________________________ في مدرسه ريم دخلت ريم إلى مدرستها و ذهبت إلى فصلها وجلست بجانب إحدى الفتيات في الديسك الفتاه: قومي يا حببتي المكان ده محجوز ريم: ليه يا حببتي كان مكتوب بأسمك وانا معرفش الفتاه: هتقومي ولا ازعلك ريم: مش هقوم واعلى ما في خيلك اركبيه نهضت الفتاه لتقوم بضرب ريم ولكن ريم تصدت الضربه وقامت بجذبها من شعرها واوقعتها على ظهرها وكانت سوف تكسر رجلها ولكن مدرس الفصل دخل واخذهم ذهب بهم إلى مدير المدرسه الفتاه: بص يا حضره المدير ضربتني ازاي ريم: جرا يا محنو مالك في ايه المدير بصوت عالي: بس يا بت انتي وهي انتو الاتنين هتخدوا فصل اسبوع ريم: يا استاذ .. المدير مقاطعها مفيش بس عشان تتعلموا الأدب يلا اتفضلوا امشوا خرجا ريم والفتاة من غرفه المدير ريم: انتي السبب حسبي الله ونعم الوكيل فيكي اللهي تتلبسي في الحمام يارب الفتاه: بس يا بت انتي ريم: بت اما تبتك يا حربوءه انتي وذهبت ريم إلى خارج المدرس خائفة من ابيها واختها أكثر مع ان والدها لا يجعلها تحزن منه ابدا ولكن هي تخشى من زعله وعندما خرجت وجدت اختها لارا امام المدرسه ريم: انتي بتعملي ايه هنا انتي مش المفروض في الكليه دلوقتي لارا: معلش اصل المدرسه وحشتني فجيت اشقر عليها ..انتي عبيطه يا بت انتي المدير كلمني وقالي انك اخدتي فصل اسبوع وكويس اني من الاول اديته رقمي بدل رقم ابوكي وعشان كده خرجت من الكليه بدري وبعدين ايه السبب اللي خلاكي تتعركي يا أخره صبري ريم: البت عماله تقولي قومي المكان محجوز وبتكلمني بإسلوب وحش اسكت لارا: الصراحه عندك حق ايه شغل تانيه رابع ده ...لا بس برضه كنتي هتموتيها الله يحرقك ريم: يعني انتي لو مكاني هتعملي ايه لارا: كنت هتكلم بهدوء ومن غير ضرب وأثناء حديثهما خرجت الفتاه التي كانت ريم تقوم بضربها من المدرسه ريم: لارا لارا البت اهي اللي ضربتها لارا:هي ديه ريم: اه لارا: اوعيلي كده وذهبت لارا لتقوم بضرب الفتاه: تعالي بقى عشان ساكتالك من الصبح انتي وامك الهبله بعدت ريم لارا عنها لانها تعلم أن غضب لارا مؤذي ريم: يا لارا يلا خلاص بعدت لارا عنها ووجهت نظرها للفتاه: لو شفتك جيتي جنب اختي تاني هعملك بطاطس مقليه فاهمه الفتاه بخوف: فاهمه وذهبا لارا وريم عنها ريم: عاش يا وحش هو اللي كنت هكلمها بهدوء ومن غير ضرب لارا: الصراحه هي اصلا البت وشها ينرفز تخلي الواحد عاوز يديها طلقتين في نفوخها ضحكت ريم على اختها و ذهبا إلى المنزل ____________________________ أما عند اسر كان يجلس في المكتب وينظر إلى الأوراق التي امامه واتي اليه مكالمه هاتفيه الرجل: ايه يا اسر مش هتيجي انهارده الديسكو اسر: لا مش عاوز اجي مش في المود الرجل: ده البنات كلها بيسألوا عليك اسر بصوت غضب: ما قولت مش هاجي هي سيره الرجل بخوف: تمام ماشي وأغلق اسر الخط ولملم اوراقه وذهب إلى منزله ______________________________________ وصلا ريم ولارا إلى بيتهما وجاءت لارا تفتح بالمفتاح ولكن صدمت مما رأته...............
________________________________ ♥️وبكده نكون خلصنا البارت الاول وعلى فكره هو طويل جدا ١٠٠٠كلمه فيا ريت تقدروا تعبي وانشاء الله هنزل تاني يوم الاربع ولو لقيت وقت هنزل قبل الاربع كمان ♥️ توقعتكم للبارت القادم ١/يا تري اللي لارا شفته ٢/ولارا وأسر هيتقبلوا ازاي ٣/هو اسر شخصيه كويسه ولا وحشه استنوني يوم الاربع♥️🌍
لما البت شافت لارا جايه عشان تضربها:
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
احنا لما عرفنا أن اسر عيل سايكو وبيروح الديسكو
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
لما انا قفلت على حته مشوقه في البارت انتو:
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
باي يا قلوبي ومتنسوش الفوت والتفاعل دمتم سالمن♥️🌚 Sara Ahmed ♥️🌍
