SURI
TUSUN 40
DIKARANG DARA MELANJAN
Tiga Bulan Udah Nya.....
Sepengudah Melia ke mati ,diak dih bala anak enggau laki iya mulai kediri ke menua laki iya.Mina anak Melia ke indu aja tinggal enggau Aki seduai Ini Suri laban ka enggai enggau pulai ketegal enda sepenemu enggau Apai iya.
"Aki,tumu tua berangkat legi ngulih ke bas tumu"pia dih ko Jantang madah ke Aki iya.
"Au mih endu,laun legi nadai ga bas tepan tua,alai dik manduk bubur dulu engka aka dik udh dapat makai"pia dih saut tudah Aki Suri. Nadai beleman tudah Jantang ,alu angkat manduk bubur ka di bai ke sepital ngabas tudah Aka iya Suri. Nyau udah mansau bubur ke di panduk iya dia Indai Janin tama . "Nama panduk dik endu Jantang?" ko Indai Janin nanya tudah Jantang. Ketegal ke tekenyit di tanya Indai Janin ari belakang dia dih periuk bubur tudah Jantang pelanting ke atas sambil iya bejaku. "Ehh antu capan antu sengayuh datai"ko Jantang latah . "Naii aku di kumbai dik antu capan antu sengayuh nama utai ke ngasuh dik latah ngemendar nya,uji senduk asi nya kulup dik ngambi badu latah"ko Indai Janin nganu tudah Jantang..
Baru ka nyaut tudah Jantang dinga periuk bubur tadi nyau semetuk ba pala Jantang serta nangkup pala tudah iya." Akai ibu angat angat nulung aku ibu angat amat tu !!!" Ku Jantang nyerauh minta tulung . Meda periuk asi bubur nya nangkup Jantang berumban tudah Indai Janin ngangkat ke periuk nya tadi dia iya lalu narit Jantang ke tanju nuci bubur ke lekat ba pala tudah Jantang. Ini Suri baru tama ke bilik ninga nyawa baka ke bisi chapuh dia iya lalu belanda laban ke nyangka tudah Jantang belaya enggau orang.
"Akai ibu pedis amai mua aku,anang balat ngusuk iya"ko Jantang besai nyawa." Nadai nya balat,agi ke indu indu baka dik nya latah baka orang tuai ,kati tau tekenyit ko aku"ko Indai Janin majak mutap. Datai Ini Suri meda Indai Janin benung nusuk tudah Jantang ngena ai, nya mih iya lalu nyerauh." Mati uchu aku mati,lapa dik nyau gila Indai Janin lapa mih dik nya ngaga iya baka nya!!"ko Ini Suri nyerauh. Ninga Ini Suri ke ngumbai uchu iya mati dia dih Indai Janin enggau Jantang ketawa lelekik.
"Hahai wai sapa mati Indai?nadai aku tu munuh Jantang,nama enda meda dik indai pala Jantang ambis balut leka asi bubur nya?"ko Indai Janin agi ngenat ke perut bai ketawa. "Nadai ibu munuh aku dah Ini,aku tangkup periuk bubur tadi laban tekenyit"ko Jantang mega ketawa ketagal Ini iya ngumbai iya mati di bunuh Indai Janin. "Naiii lapa dik tangkup periuk dah uchu nama pengawa dik baka nya,nama nadai pedis dik dah?"ko Ini Suri tekenyit ninga.
Jantang enda nyaut iya malik Indai Janin ke benung melut mata enda ngasuh nusi takut di anu Ini Suri. "Eh aku meda chit sebelah tisi nya tadi nya mih nyau tekenyit periuk tepelanting katas alu nangkup aku"ku Jantang ngemula ke Ini iya. "Te nadai utai ke ngasuh takut ,nya jampat ke mandi legi seduai Aki dik deka Nurun,nibuh manduk bubur agi dik ,legi dik ngagai Ibu dik ke setak kin ngambi bubur"ko Ini iya lalu nyingkau sarang pinang iya. Indai Janin mina tetuchum meda Mua Jantang agi mirah ketegal angat asi bubur nya tadi."legi unsut ubat mua dik nya,anang ngelak ke iya"pia ko Indai Janin lalu nitih ka Ini Suri pansut ke ruai.
Datai seduai iya di ruai dia dih Ini Suri lalu duduk ba ruai.Indai Janin pan alu ngenuduk kediri ba tisi tudah tuai."nama endu Jantang agi ka sekula Indai? Enti iya badu nampung sekula aku deka nanya ke iya jadi enggau anak menyadi apai Janin ke diau enggau aku nya" ko Indai Janin nanya tudah Ini Suri."Eh aku enda nemu deka nyaut dik endu,Ukai orang ngempu tubuh,nama dik enda nanya kediri tadi dah?"ko Ini Suri nyaut sereta nanya baru ngagai Indai Janin." Eh ka nanya iya mih aku tadi Indai meda nyau tangkup periuk nyau enda ingat ka nanya iya nya"ko tudah saut Indai Janin ingat ke Jantang tangkup periuk tadi.
Lama seduai iya enda bejaku . Tegenung enda memunyi .Jantang pan pansut ari bilik udah tembu nyikap diri. "Eh nama ulah seduai enda memunyi duduk dia? Kin aku ke setak kin ngagai Ibu Bini Tuai Rumah dulu"ko Jantang lalu laju kaki iya nyingkang nuju setak enda sempat seduai nya nyaut peda nyau udah tetanjun tudah datai di setak.
"Ibu ohh Ibu... Ni dik aku tama tu"ko Jantang tama lalu rerauh ngagau ke Bini Tuai Rumah. "Ni mih Ibu sengayuh tu,nadai di dinga nyaut"ko Jantang . Ninga baka bisi orang berandau ba dapur dia Jantang ngagau baru. "Ibu ohh Ibu sengayuh ni dik?" Ko Jantang ngagau . Nya mih Bini Tuai Rumah ninga kangau. Iya pan lalu nyaut " Tu aku ,di dapur ditu,tama kitu dik"ko Bini Tuai Rumah nyaut tudah Jantang. Enti bai pemedis ati tudah Bini Tuai Rumah te enggai mih iya berandau enggau Jantang tang ketegal ke tiga bulan ti udah lalu, Jantang nyau ka nadai ketegal ke di jamah Apai iya ketegal Jantang deka ngibun tudah Suri diau di sepital . Dia mih tudah Bini Tuai Rumah nemu Jantang enda baka Niang Indai iya Melia.
"Bisi nyumai bubur dik tadi Ibu? Tua Aki ka ke Sepital tumu pagi tu" ko Jantang nanya Bini Tuai Rumah." Bisi endu ,nyin udah tembu aku dalam bekal bai dik nya,padah ke Aka dik legi ,Lemai kenduai Aya dik ngabas iya,nya dalam bekal siti nya enggau ika dik Jawan legi"ko Bini Tuai Rumah madah ke Jantang. Jantang enda mayuh jaku iya lalu ngambi bekal nya lalu madah diri mupuk laban takut tinggal bas tumu pagi. Seduai iya meaki lalu mupuk nepan Apai Janin nurun ke kebun .
Meda Jantang udah ngambi bubur tadi ,Bini Tuai Rumah pan pansut ke ruai . Peda iya Indai Janin tumu duduk ba ruai enggau Ini Suri . Iya pan lalu mansang. "Lemai legi dik nanya Indai ,enti iya ka ngambi ku mai Indai Nanta nanya iya"ko Indai Janin." Nama utai ke seduai wai,sapa ka di tanya dik?sapa ka bebini?" Ko Bini Tuai Rumah nanya lalu duduk sepiak Indai Janin."ehh ka nanya endu Jantang ke bini anak menyadi Apai Janin,nyadi ke bini Nanta " ko saut tudah Indai Janin. " Nai manah nya wai,nadai salah seduai iya jadi Nanta bagas sereta nelap tau jadi enggau endu Jantang"ko Bini Tuai Rumah setuju enggau penemu tudah Indai Janin.
"Pia mih ko aku wai,kasih ke Jantang tang enti iya agi ka sekula enggai ga ku ngasuh awak ka iya ambis sekula dulu,nitih penemu iya kitai enggai ga nyadi ngasak iya"ko Tudah Indai Janin. Sida iya tiga nadai nyangka ari jauh bisi orang ngemata sereta enda puas ati ngagai seduai iya. "Anang senang ati seduaiiiiiii.........
