أختي المفقوده:)

part"2"

ونزلو للسياره تحت أنظار شخص مجهول
________
في مركز الشرطه للسجناء
القائد: ها ما وصل أي بلاغ
الجندي: وصل ي قائد محمد
القائد: ايه طيب
الجندي: بس كله بلاغ كاذب و وصلنا اليوم بلاغ من اثنين من الشباب يقولون شفناه يمشي من جنبنا وحددو لنا مكانه
القائد: ايه
الجندي: يوم رحنا ما لقيناه المشكله الشباب اللي بلغو عنه دلوخ
القائد: ليش؟
للجندي: احنا نحسبهم يعرفون وين بيته
القائد: هاا؟
الجندي: يقولون شفناه من عند المحلات، يعني طبيعي مر من ذا المكان وخلاص
القائد: افهم من كلامك انه ما وصل لنا أي بلاغ يحدد موقع أستاذ فهد
الجندي: لا والله
القائد وهو يناظر الأوراق: اهمممم
________
عند عائله عبدالله في الشاليه
فرح: ماما ماما الله يخليك بسبح
ساره: لا مو ذحين
فرح وهي تبكي: ألا ألا ذحييييين
ساره بحده: أقسم بالله ذحين إذا زنيتي ع راسي والله لا أشيل أيبادك لخمسه ايام
فرح وهي مكشره: طيب متى نسبح؟
ساره: شوي، يلا روحي ألعبي
قامت فرح من عندها وهي مكشره
________
في المطبخ
فرح: اففففف وين راح نص الحلا؟
نور وهي تناظر سامي بقهر: ببطن بليس
قعد يضحك سامي ويناظر حوله ويتلفت: وينه ذا بليس
ناظرته نور وشمقت
انصرع ضحك سامي ع شكلها
الساعه 10:35 م
أفراح و فرح و سامي و نواف
في المسبح
و عبدالله و ساره و نور
جالسين في الجلسة اللي قدام المسبح
الساعه 3:00 ص
وهم في الطريق راجعين للبيت
عبدالله: ها ي حلوين كيف الأستراحه
ساره: والله تهببل
سامي: ايه والله ماشاء الله
نور: حتى صحباتي يوم نزلت سنابات يسألوني عنها
نواف: فكره المراجيح الطويله عند المسبح فنااااااانه
فرح: ايه والله و الألعاب المائيه بعد حلوه
وصلو للبيت
( طبعا بيتهم في عماره الدور 3 و بعده السطح )
نزلت نور اول وحده من السياره وقاعده تطلع مع الدرج
حست أحد يناظرها من فوق رفعت راسها شافت فههههههد يناظرها من بين الدرابزين وهو مبتسم
وشكله يخوووووووووووووف
صرخت وبسرعه نزلت وقالت لأبوها
طلع عبدالله يشوف ما لقي أحد
نزل لأهله وقال لهم أنهم يطلعون بدون صوت
طلعوا بهدوء وكأنهم يمشون ع بيض وخايفين يتكسر
دخلوا البيت وهم يتنفسون بصعوبه من الرعب
ساره: وجع ذا وش يبي
عبدالله: الله يفكنا منه
ساره: يلا روحو لغرفكم نامو
توجه الكل لغرفته ونامو
______
الساعه 9:30 ص
عبدالله: سامي روح جيب أغراض الفطور من البقاله
سامي: وش هي الأغراض؟
ساره: أرسلها لك ذحين
قام سامي ولبس ونزل
ساره: فرح روحي قومي نور
نواف: ذي تنام نوم اهل الكهف وش اللي يصحيها الحين
فرح ببتسامه شيطانيه: امممم اقول لها فهد عند الباب
نواف: هههههههههههههه والله تقوم وما ترجع تنام
ساره: اقول قوم انت وياه و اذلفو عن وجهي
نواف وهو واقف: طرده محترمه تمت بنجااااح
و فرح راحت تقوم نور
رجع سامي وهو قامط العافيه
عبدالله: وشبك قامط العافيه
ساره بخوف: عسى ماشر
سامي بتلعثم: يوم د دخلت البقاله ف ف فهد كان جا جالس و ينا اا ظرني
اللين ما طلعت
عبدالله: يناظرك بحقد ولا يبتسم ولا كيف؟
سامي: لا والله ما فهمت نظرته المهم انه كان يفجع وبس
ساره: ياخي وش يبي ذا
وناظرت عبدالله: انت تعرفه من قبل
عبدالله: طبعا لا
ساره: أجل وش يبي؟
عبدالله: اقول والله انا ببلغ عليه و أريح نفسي
ساره: أي والله احسن
نور وهي تتذكر شكله يوم يبتسم: والله يفجععع
سامي: اي والله بلغو عليه منها فلوس ومنها نفتك منه
عبدالله: خلاص شوي كذا بروح للقسم
ساره: نور رتبي طاوله الطعام
نور وهي تناظر الجوال: ابشري
واجتمعوا ع طاوله الطعام
_______
الساعه 5:21 م
عبدالله في مكتب القائد محمد
عبدالله بعد ما دق الباب: سلام عليكم
القائد محمد: وعليكم السلام ، تفضل
عبدالله: زاد فضلك
القائد وهو يناظر عبدالله: وصلني خبر انك جاي تبلغ عن فهد، صح؟
عبدالله: ايه نعم حضرة القائد، وهو كان يلاحقني من مكان لمكان
القائد وهو عاقد حواجبه: يعني تعرفه من قبل
عبدالله: لا والله ما اعرفه ولا يعرفني
القائد وهو ينتظره يكمل: طيب؟
عبدالله: قبل قبل أمس الساعه 8 الليل، دخل غرفة بنتي لأن ولدي الله يصلحه يوم رجع من برا م قفل الباب، المهم قفلت عليه في الغرفه وطلعنا من البيت، استأجرت بيت في عماره
و من بكرتها في الليل رحت البقاله قابلته وكان يناظر فيني طلعت من البقاله بسرعه
القائد: أيوه؟
عبدالله: وامس الليل رحت انا واهلي مشوار ورجعنا 3 الليل ولقيناه في سطح العماره
و اليوم الصباح، ولدي راح البقاله وقابله يقول من يوم دخلت البقاله ألين ما طلعت وهو جالس يناظر
القائد: أيوه؟
عبدالله: وبس
القائد: اهمممم، طيب انت تعرف وين مكانه؟
عبدالله بأسف: لا والله ما أدري
القائد: أجل وش اساعدك فيه مادام ما نعرف وين مكانه
عبدالله: خلاص اشوف وين مكانه وأبلغ عنه
القائد: تمام
______
في بيت ابو سامي
ساره: ها وش صار
عبدالله: يقول لازم نعرف وين مكانه
ساره: طيب؟
عبدالله: بدور عن مكانه وأبلغ عنه
ساره: وكيف؟
عبدالله: والله مدري، بس يمكن إذا قابلته صدفه في البقاله بالحقه واشوف وين بيته
ساره بأنفعال: انت مجنون؟
ناظره عبدالله بحده: ايش؟
ساره بعد ما حست بنفسها: اوووه، السموحه ما كان قصدي والله، بس لو مسك هناك
عبدالله: لا أن شاء الله ما يصير إلا الخير
نواف بهمس لسامي و نور: ي ويلي نظرات ابوي ناريه
سامي بهمس: جيب طفايه
نواف: ه ه ه مو حلوه، لا تعيدها
عبدالله: وش تهامسون انت وياه؟
نواف: ها ولا شي، سلامتك
عبدالله: نور حبيبتي
فرح وهي مبتسمه تناظر نور: ياااااهووووووووووووووووووو
ابتسمت نور بخجل: خبله
الكل: ههههههههههههههههههههه
سامي: ههههههههه استحت الناقه هههههههه
نواف: ههههههههه اسكت بس ذحين تهفك بمخمس تخليك تنسى العافيه ههه
ناظرتهم نور وشمقت: سامجين
عبدالله: نور بالله سوي شاهي
نور ببتسامه ناعمه: أبشر
وقامت
في نص سوالفهم، دق الباب
الكل ناظروا بعض بخوف
نواف بعد نقزه: ي ويلي شكله فهد
قام عبد الله يفتح الباب: ميين
.....: انا... 
_____________                                                             The End🌿..

كيف البارت؟!

(بلييييييز قبل لا تطلع، ادعمني بنجمه⭐)
ولا تنسون تشاركون الروايه مع اللي تحبون💛🍃:
---------