السلام عليكم بنوتات اليوم روتين العناية بالجسم💆👍😘
..........
روتين اليومي والاسبوعي
انواع الماسك والسكراب الطبيعي اللي نستعمله للجسم
انواع اللوشن ، اللي مستعملتهم
الروتين اليومي كلش سهل وبسيط ومياخذ وكت وتقريبا كلنه نسوي🧖♀️🌸
- غسل الجسم بالماء البارد💧يوميا لان المي البارد كلش يساعد على شد الجسم ، ويحارب الترهل ، وينشط الدوره الدمويه🛀❤️
- الترطيب اليومي كلش مهم حتى يضل الجلد ناعم 🧴
- شرب الماء ع الاقل 8 اكواب كل يوم💧💧
- الصابون اللي تستعملو🧼 ضروري يكون مخصص للجسم🛀
- واقي الشمس كلش ضروري للجسم قبل متطلعون حتى تحافضون على الجلد من اضرار الشمس🧴❤️
نحجي على الروتين الاسبوعي ، دائما اغلبنه يركز على بشره الوجه💔بس الجسم كلش يحتاج هذا الروتين علمود ليتعب ويترهل ويصير اسمرار والجلد يفقد نعومته🤦♀️
أول خطوه بالروتين الاسبوعي ..
1- التقشير الجاف
فوائد التقشير الجاف
_ يشيل كل الجلد الميت المتراكم وينطي نظاره لجلد الجسم
_ تشيل كل الدهون الزائده
_ اللي عدهم شعر تحت الجلد هذا المقشر يعتبر بيرفكت🙈
ملاحضه :-
يستعمل على جلد ناشف تماما
النوع الثاني من التقشير
2- التقشير الطبيعي
_ اول مقشر / القهوه وزيت الزيتون والعسل
تفرك بحركات دائريه كلش لطيف وحلو عالبشره🧖♀️
_ ثاني مقشر / السكر والليمون والعسل وقليل من زيت جوز الهند
يشيل كل الجلد الميت وينعم البشره🧖♀️
الترطيب🧴
بعد التقشير وغسل الجسم خطوه الترطيب كلش مهمه لان الجلد راح يصير كلش جاف ..
هسه نحجي على الماسكات الطبيعيه اللي نستخدمها للجسم قبل الشاور للي يعانون من اسمرار بعض المناطق بالجسم🖤..
_ ماسك الحليب والعسل والكركم ( خاص للبشره )
هذا يفيد كلش للاسمرار وبالاستمرار حتشوفين نتائج تخبل🧖♀️❤️
_ ماسك زيت اللوز الحلو وزيت الزيتون والليمون ومي الورد
ينحط 10د قبل الحمام يخبل🧖♀️❤️
_ ماسك الليمون والعسل
ينحط 10د قبل الحمام يساعد على تفتيح الاماكن الغامقه اللي بالجلد ويشيل الجلد الميت وللترطيب🧖♀️❤️
.........
احبكم 😘😘
