اتمنى تعلقون لإثبات وجودكم ولو ب نقطة 🖤.
وصرتُ أخْشَى من مُوَاجَهَة السباقاتِ الطويلَهْ
سُحُبي بلا مَطَرٍ
وليلي دُونَما قَمَرٍ
وأشْجَاري بلا ثَمَرٍ
وأحلامي القديمةُ مُسْتَحيلَهْ .
عادل : بروح اشوف لطيفة
سديم : خلاص شفته ببجامة وش عقبه
عادل راح وتركه ، عند لطيفة تحط مكياج خفيف وتعطرت وتنشف شعره
عادل يطق الباب : لطووف
لطيفة : همم
عادل : ممكن ادخل ؟
لطيفة : تفضل
عادل : الحلو زعلان ؟
لطيفة : لا
عادل : يالله نطلع و م عليك من سديم انتِ حلوه بكل حالاتك يحب راسة
لطيفة تتنهد : اشتقت لامي
عادل باختناق : الله يرحمه ادعي له
عادل بينه وبين نفسه ، والله ما اخليك يا سديم : تعالي شوفي وش شاري لك
لطيفة تمسح دموعه وتبتسم : وشو
عادل : قومي يالاميرة اقعدي معهم الحين اجي
لطيفة : لاتطول بتغثن سديم
عادل يحب راسه وايده : مابطول روحي
دخل عادل غرفته اخذ بوكية الورد وطلع عندهم
لطيفة رجعت : يمه اصب لك شاهي ؟
سديم بغضب : من متى وهي امك ؟
لطيفة ساكته وماسكه دموعه
عادل سمع كل شي ودخل
لطوف شوفي وش جبت
لطيفة بتزييف ابتسامة : وش
عادل يطلع الباقة من ورا : تدا للملكة
سجى : حركات لطوف من قدك
الجدة لطيفة : تستاهل من اليوم تكد علينا وتطبخ وتنفخ
لطيفة بفرح وحماس تضم عادل وتحب راسه : احبك ي افخم اخ شكراً الله يسعدك
عادل بفرح : لاتقولون انبهرتو توكم ماشفتو شي
الجدة لطيفة تضربه بالسليبر ع خفيف : الله يعينكم شاف نفسه
عادل يناقز ويضحك : اف يمه ويقعد جمبه ويحب راسه
عادل راح يجيب باقة الورد الثانية
وذي لامنا لطيفة ويبتسم
سجى : اترك زوجي واجي عندك تدلعن
عادل يضحك: لاتسمعك ملاك
الجدة لطيفة : حنون اكثر من جدك
عادل : ياعزتي لك يبه
عادل : يا احلى ثنتين ويحاكي سجى بصوت مرتفع المعذره يا خاله ماجبت لك لو عارف بتجين جبت لك بساتين الورد كله
سديم بغيره : وش مناسبة الورد ؟
عادل بحده : مو لازم يكون فيه مناسبه
سجى بضحك : عادل لاتدلعهم لا ادخل بينكم ابي اتدلع
عادل يضحك : حياك بس بدون طلاق ولا شي
كلهم ضحكو الا سديم
الجدة لطيفة : نقوم نصلي بس ؟
كلهم : يالله
عادل : لطوف بجمع العيال بالملحق عادي ؟
لطيفة : ايه عادي لاتشاور بيتك
عادل ابتسم : بيتنا ، يالله استاذنكم بصلي واقعد مع العيال
لطيفة : اذنك معك وانتبه لك
____________________________
عزام : بطلع اصلي يمه
منى : ماشبعت منك
عزام : عندك مجد و رواد
منى بتكشير : مايسوون اظفر عندك
عزام : يالله بطلع تبون شي
مجد : سلامتك
طلع واخذ رواد معه وهم طالعين شافو عادل
رواد يرفع صوته لعادل : غريبة عادل بالبيت
عزام : يمكن عنده شي
عادل : هلا بالقاطع الحمدلله على سلامتك
عزام : الله يسلمك وانت وش اخبارك
عادل : الحمدلله بخير
عزام : من زمان عنك
رواد : عن نفسي شبعت منه
عزام : وانا اشتقت
عادل : تعالو لمي بعد الصلاة بعزم خالد بعد
رواد بحماس : خلاص بجي
عزام : مانثقل عليك
عادل : لا حياكم الله
دخلو يصلون وطلعو
رواد وهو يلبس جزماته : شوي ونجيك
عادل : بترك الباب مفتوح لاتطولون
عادل يدق على خالد ويطرف الباب
هلا خالد تعال لمي عزام جاي
خالد : تمام
عادل : عزام و رواد بيجون تركت الباب مفتوح ادخل الملحق ولاتطول
خالد : تمام
قام يلبس ويتجهز
لبس بنطلون اسود بوت اسود
وبلوفر اسود
تعطر ورطب شفايفة مشط شعره
اخذ مفاتيحه وطلع
خالد : بطلع
علي يفتح الباب : بحفظ الله
طلع خالد وتوجهه لاقرب محل يبيع حلا
واتجه لبيت عادل
_______________________
عزام ل رواد : باخذ شور ع السريع
رواد بحماس : تمام وانا بعد
عزام خلص نشف شعره يناظر شكله بالمرايه ويحرك شعره - صار طويل-
راح يلبس بنطلون جنز كحلي ضيق قميص سماوي > ازرق فاتح
ولبس حزام بني وجاكيت بني داخله فرو ابيض
بوت بني
مشط شعره لورا وعطر رقبته
رطب شفايفه وطلع
عزام : رواد خلصت ؟
رواد : لا باقي شوي
رواد عند المرايه ينشف شعره
ويطلع ملابسه بنطلون جنز غامق ضيق
قميص ابيض فوق كنزه بنيه وجكيت جلد اسود وجزمة بيضاء
تسبح بالعطر وحط مرطب
وطلع
رواد : عزام يالله خلصت
عزام : ماشاء الله كاشخ
رواد : طالع عليك حتى انت كاشخ
عزام : يالله ، اتجه للصالة يمه حنا طالعين تبين شي
مجد : ماشاء الله تعالو ابخركم
عزام يضحك : حبيبتي مستعجلين
مجد تبتسم : طيب
منى : تقل رايحين عرس على وين ؟
رواد زفر بضيق
عزام يبتسم : مو بعيد رايحين لعادل عازم العيال
منى : طيب لاتتاخرون
رواد بحماس : باي
وسحب عزام وطلعو
وهم طالعين شافو خالد ينزل من السياره
عزام يضحك : هههه بندخل جميع
رواد يبتسم : هلا خالد
يسلم عليه وماترك يده
عزام يضحك : طيب انا بسلم ابعد
خالد يمد يده
عزام سحبه وحضنه : ماشفتك من زمان وتسلم بيدك ويمسح ع ظهر خالد
خالد يبادله ببرود: الحمدلله ع السلامة ويناظر ب رواد الي زفر بانزعاج ودخل وتركهم لحالهم
دخل الملحق
عادل : مابغيتو بس وين الباقي
رواد يسلم ويقعد : يخمون بعض مطولين
عادل يضحك بقوم اشوف طلع ويصوت لهم
عادل : ماشاء الله على قله الحيا تقدرون تخمون بعض داخل
عزام يضحك : يالله ندخل
خالد يضحك : فاصل
فصخو جزماتهم عند الباب ودخلو بالملحق
عادل : رواد خذ جبتهم لك
رواد : ليش محد يضمن
عزام يضحك : يا بزر تعال اضمك
عادل يقرب منه : حضني مفتوح للجميع
خالد ساكت يناظرهم
عزام يضحك : تبون ضمه جماعيه
عادل بضحك : ما اقول لا
خالد : استخفيتو
جلس عند المشب وجلس عزام جمبه
عادل يقهويهم
يالله حيهم
خالد وعزام : الله يحييك ويبقيك
عادل : رواد ودك تعلق ضايق صدرك انت ؟
عادل قام وضمه غصب لاتزعل انا موجود
رواد بانزعاج : ادري
قعدو يسولفون اخذهم الوقت ماحسو
_______________________
عند لطيفة تعشو وتودع سديم
دخلت وهي بردانه
الجدة لطيفة : طلعي الزيتية او الدفايه جمدنا
سجى : اخيراً راحت وش تبون نلعب ؟
لطيفة : تبون ادق على مجد تجي ؟
سجى بحماس : ايه والله مشتاقين له
الجدة لطيفة : الوقت متاخر
سجى : عادي تنام هنا
لطيفة بحماس : اي والله وانتي نامي
وتحضنة
الجدة لطيفة : وانا
لطيفة وسجى قربو وضموه
لطيفة : الله يحفظك لنا
سجى بفرح : ملاك نامت بدق على براء واستاذن منه
لطيفة وانا بحاكي مجد يارب ترد
مجد : هلا
لطيفة : تجي تنامين عندنا ؟
مجد فزت من سريره بحماس : بسم الله بدون مقدمات ؟
لطيفة : ايه واساساً اخوانك عندنا
مجد تنهدت : بشوف عن امي اذا نايمه
لطيفة : تمام وتعالي ببجامتك لاتكشخين وترا في خالتي سجى
مجد بحماس : تمام
نزلت تشوف اذا امه موجوده
مجد : يمه قايمة ؟
منى : كنت بروح انام تبين شي ؟
مجد بتوتر : عادي انام عند لطيفة ؟
منى بتفكير : لا
مجد : طيب
منى تضحك : امزح معك طيب كان حاولتي
مجد بفرح وتناقز وتحب راسه امه وتضمه : شكراً شكراً
وترقى تلبس بجامتة وتدق على عزام
عزام : هلا
مجد بتوتر : بنام ببيت لطيفة عادي ؟
عزام بتفكير : هممم ،ايه ياقلبي افرحي
مجد : اهخ شكراً
لبست عباته وطلعت
دقت ع لطيفة
لطيفة : عادل تارك الباب مفتوح ادخلي
مجد : دخلت
لطيفة بحماس ، يالله حيه وتضمه
سجى تضحك : يوم مليئ بالاحضان
سجى تضم مجد : لك فقده
سجى : لطوف ترا بنام عندك براء وافق
لطيفة تضحك : اسعد يوم بحياتي
سجى ومجد : كلنا
مجد سلمت ع جدة لطيفة وقعدو يتقهوون ويحلون
الجدة لطيفة : بي نوم بس ودي اضحك معكم
لطيفة : يمه لاحقين ع الضحك روحي ارتاحي عندك لين بكرا وتبتسم
الجدة لطيفة : اجل ساعدين اقوم
لطيفة : سمي ، قامت تساعده و ودته لغرفتة و شبكت الزيتيه وغطته بالبطانية وطفت اللمبات وطلعت تنزل الدرج بحماس
بنات نبي نلعب تتربع وتصفق
سجى ومجد بحماس : يالله
أنت تقرأ
THE BLACK FOREST
Fanfictionعَيْنَاكِ .. مَجْهُولانِ نائمان في عباءة المجْهُولْ . وغابةٌ مُقْفَلَةٌ .. لا أحدٌ يعرفُ ما يحدثُ في داخِلِها .
