بنت الريف

البارت الثالث (اعتراف)

البارت التالت
꧁#بنت_الريف꧂
عند همس
كانت هناك سياره تقترب منها بسرعه شديده جدا
لتقف تغمض عيونها جامد جدا وتصرخ بصوت عالي: مش عايز اموت مدهوس مش عايز اموت  مدهووس
يضغط السائق علي الفرامل ويسمعها: هم يبكي وهم يضحك
لتفتح همس عيونها ببطئ وتجد انه لم يحدث لها شئ لتضحك همس: هيييه مموتش انا ايوا مموتش
لينزل السائق لتراه همش وتفتح فمها علي الاخر
همس: دا انت جامد فحت
السائق باستغراب نعم
همس وهي بتمد ايدها لي: انا همس 21 سنه كليه هندسه مش مرتبطه ومحدش بيعبرني ورقم ابويا هو 011......
ليقطعها السائق: اااي حيلك. انتي لسه هتكملي ثم انا دخلي اي بكل دا
همس: عشان تتقدملي هيكون بقولك كده ليه يعني معجبه مثلا بعيونك الزتوني دي ولا اكونش هموت علي عضلاتك ولا تكونش مفكر اني خدت بالي من لون شعرك واد اي هو ناعم ولا تكونش طموح جدا لدرجه انك تفكر اني خدت بالي من لون بشرتك البرونزي مثلا يعني اكيد مش معجبه بس انت لازم تتقدملي
السائق باستغراب وسخريه: لا خااالص انا اللي معجب بيكي
همس: شوفت يعني لازم تيجي تتقدملي
السائق: لا دا انتي عبيطه بقا ويذهب يقود سيارته
همس: استني بس بالله تقولي اسمك
السائق: امشي يبت من هنا مش ناقص هبل انا علي المسا
همس بصوت مبحوح مميز: بالله تقولي اسمك اي
السائق بنفاذ صبر: ياسين اسمي ياسين ارتحتي اوعي بقا من طريقي
تبتعد همس عن طريقه وتفضل تردد في اسمه: ياسين ياسين ياسين يلهوووي دا جامد فحت والله ههههه
(انا: يخرييتك بوظتي سمعتنا يبعييده💔😂😂)
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
عند غصون
حازم: لحد ما جت فاطمه ثم اكمل بقرف وسوزي
وفاطمه كانت سكرتيرتي وسوزي كانت شغاله في الحسبات وكانوا اصحاب بس مع الاسف سوزي كانت حقوده اللي هو ازاي يعني هي تشتغل سكرتيره  رئيس مجلس الاداره وانا حتته موظفه في الشركه ومع هنا ابتدا كرهها وحقدها يتجسدوا في الواقع وبدأت تعمل حجات كتير عشان تاخد مكان فاطمه وفي الوقت دا انا بدأت احب فاطمه كنت شايف فيها البنت الرقيقه المحترمه خصوصا انها كانت محجبه علي العكس تماما سوزي ولما حسيت ان فاطمه بتبادلني نفس الشعور خدت الخطوه واعترفت ليها وسوزي سمعتنا ساعتها كرهها وحقدها زاد وفضلت حوالي شهر مكنتش لسه اتقدمت لفاطمه عشان باباها كان مسافر سوزي وقتها قدرت تفرق بينا
غصون بتساؤل: لي عملت اي
حازم: فبركت صور كانت ليها مع اشخاص في اوضاع مش كويسه وبعتتهم لفاطمه فاطمه ساعتها كانت اتهوست بيا وانا مكنتش اقل منها ولما شافت الصور متحملتش و.....
غصون: لو مش قادر تكمل بلاش
حازم: لا خليها مره واحده وخلاص
غصون: براحتك
حازم: وقتها فاطمه مستحملتش ودخلت في اكتئاب وانهيار شديد لحد ما فيوم انتحرت وانا مقدرتش استحمل برضوا وبرضوا دخلت في اكتئاب شديد وكنت هنتحر بس مع الاسف اتلحقت قالها حازم بمراره
غصون بانفعال: كنت عايز تموت كافر وربنا اداك فرصه وزعلان
حازم: مكنتش بفكر وقتها في حاجه غير اني عايز اروح لفاطمه وخدت حوالي ست شهور علي ما قدرت اقف علي رجلي من تاني واول ما دا حصل سوزي مكنش لسه كرهها وحقدها خلص راحت ورت الصور لابويا وهددته اني لو متجوزتهاش هتفضحنا مع ان مش انا اللي في الصور بس مع الاسف اللي عملها كان عارف ازاي يخليها اكنها حقيقه وعشان مرتبتنا متنزلش بابا خلاني اخطبها غصب عني وانا كنت بكرهها جدا ومكنتش بطيقها ولا ببقا عايز اشوفها حتي
غصون: وانت عرفت كل دا ازاي
حازم: بعد ما خطبت سوزي جه اللي فبرك الصور وهو شريكها في كل حاجه وحكالي علي كل حاجه بس طبعا في عالم البيزنس ما فيش الكلام ده
غصون: عشان كده قتلتها
حازم: لا انا مقتلتهاش اخوها اللي قتلها
غصون: اااي
حازم: ايوا زي ما بقولك اخوها اللي قتلها عشان يورث هو كل حاجه اصل قبل  موتها بشهر ابوها مات وكان كاتب كل حاجه باسمها ف اخوها طمعوا وكرهوا ما كانش اقل منها ابدا فقتلها
غصون: وانت عرفت ازاي دا كمان
حازم: صاحبه  جه اعترفلي بس لما جيت ابلغ واقول اللي هو قاله وكنت عارف طبعا انه هيتم استدعائه فكنت مطمن بس اتفاجأت ان هو اتقتل
غصون: فمروحتش
حازم: اه ودلوقتي ياسين بيدور علي اخوها عشان يخليه يعترف لان انا مش هعرف اروح في اي حته
غصون: طيب وعندك استعداد تحب تاني
حازم: لا مستحيل من رابع المستحيلات اني احب بعد فاطمه
تلمع الدموع في عيون غصون
غصون: اااه الظاهر كنت بتحبها اووي
حازم: كنت بعشقها مش بس بحبها
غصون بحزن: ربنا يرحمها
حازم: يارب.... عنيكي مالها
غصون بحزن: مافيش تلاقي حاجه دخلت فيها ولا حاجه
حازم: اااه طيب انتي كده عرفتي عني كل حاجه احكي انتي بقا
غصون: انا غصون ماجد البحيري عندي 21 سنه ماما اتوفت وانا عندي تلت سنين بابا مرضاش يتجوز وعوضني عن حنان الام وعن كل حاجه في الدنيا لدرجه اني مكنتش بحب اصاحب حد وكنت بحكي لبابا علي كل حاجه ومفكرتش اني ابقي ليوم واحد زي اي بنت من صحابي اللي هو اكون بكراش علي حد والكلام دا كله ولما كنت لسه في ثانوي كنت بسمع البنات بتحكي حبيبها عملها اي واللي تقول ان فلان بيلمح وكده وانا كنت حماره وسطهم ومكنش ليا تعامل مع ولاد خاالص او حتي بنات كنت بقعد وسطهم زي الصنم بسمع وبس وحتي مكنتش بحس ان في حد بيحبني. او اي حاجه من الكلام دا كله
حازم: لي في حد يسيب القمر دا
غصون بخجل وغيظ: اااه الحلوف اللي بحبه
حازم بدهشه: اي دا مش كنتي بتقولي ملكيش في الكلام دا
غصون: استني ما انا جيالك في الكلام اهو
حازم: كملي
غصون: لما دخلت الكليه كنت بنزل القاهره عشان اروح الجامعه وبابا كان شغله في القاهره فكنت انا بروح علي الجامعه وهو يروح شغله ولما اخلص يجي ياخدني افضل معاه في الشغل لحد معاد المرواح وفي مره كنت في الكافتريا شوفت واحد داخل مع خطيبته وهو متعصب منها ووقعت في حبه وانا حتي معرفش عنه حاجه خاالص لحد ما شوفت صورته علي التلفزيون وعرفته
حازم بغمزه: يبخته يستي اللي الست غصون تحبه
غصون بخجل وغيظ: اه بس هو حلوف هعمل اي
حازم بمرح: طيب قوليلي هو مين وانا اول ما اخرج من المحنه دي اروح اخطبهولك واهو علي رأي المثل اخطب لغصون ولا تخطبش لنفسك
غصون: هههههههه ومالوا... يعم فكك طريقنا مسدود
حازم: لي يستي ما يمكن السد دا يتهد
غصون: لا مفتكرش يلا انا هقوم احضر الغدا
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
عند همس
همس: ينهار دا انا نسيت اني جعانه يلا حسبي الله فيك يا مز يلي كنت هتخبطني
وتذهب للمطعم وتجد ياسين جالس علي احد الطرابيزات وينظر في هاتفه
همس: اي دا الواد الجاحد اهو
لتذهب اليه
همس: ممكن اقعد
ليرفع ياسين نظره
ياسين ببرود: لا
همس بأبتسامه جذابه: شكرا
وتجلس
ياسين بغيظ: انتي بتفهمي بالمشقلب ولا اي وبعدين انتي اي اللي جابك ورايا
همس بغيظ: لا مش من حلاوتك يعني هاجي وراك انا جعانه وجيت اكل يلا اعزمني
ياسين بغيظ: وانا مال امي اعزمك لي
همس: انت مفلس ولا بخيل لو مفلس اعزمك انا لاكن لو بخيل  هخليك تعزمني غصب عنك
ياسين بنفاذ صبر: عاوزه تاكلي اي
همس: انت هتاكل اي
ياسين بحنق: بيتزا
همس في سرها: مش اكله رومانسيه خالص
يبتسم ياسين عندما يسمعها
همس: خلاص اطلبلي زيك
ياسين: يادي النيله
ثم ينده علي الجرسون
ياسين: اتنين بيتزا لو سمحت واحده بالفراخ و
ثم ينظر الي همس
ياسين: بتطفحيها ب اي
تنظر له بغيظ لما قاله وايضا لان الجرسون واقف
همس بغيظ: بالسم
لينظر ياسين للجرسون
ياسين: واحده بالفراخ وواحده بالسم
الجرسون باستغراب: تحبوا تشربوا حاجه
ياسين: اتنين بيبسي
همس: مش بحبه
ياسين: هاتلها عشره
ويذهب الجرسون وهو مستغرب منهم
همس بغيظ: مش عايزه منك حاجه دا انت باارد
ثم تقف استعداد لتذهب الي طرابيزه اخري
ليمسكها ياسين من معصمها
ياسين: انا طلبت الاكل خلاص
همس بغيظ: اطفحه انت
وتسحب معصمها
ياسين: طب اقعدي كلي وانا هاجي اتقدملك
همس: بجد ونبي
ياسين بنبره بها بعض من السخريه: ااه طبعا طبعا
لتجلس الهبله وهي فرحانه😂😂
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
عند غصون
حازم كان يشاهد التلفاز ثم يسمع صوت غصون وهي تصرخ من المطبخ ليذهب لها سريعا ليري ما حدث ويصدم عندما يجد........يتبع
كده البارت خلص اتمني يكون عجبكوا وحاولت اطوله شويه وياريت تقولوا ليا رائيكم لاني حقيقي تعبت جدا فيه💔💔
꧁#بنت_الريف꧂
꧁بقلم شهد عبدالحميد꧂
يلا بااي ♥🏃‍♀️
الثالث