حلم تحقق

Part17

دخلو للبيت ديال سعد و علي تسنيم منباهرة من جمالية الديكور فهاديك الغرفة كانت بحال شقة صغيرة

سعد:اتبقاي واقفة دخلي
تسنيم:ا..اه.. واخة(جلسات فوق الكرسي)
سعد:اش بغيتي تاكلي
تسنيم:اشنو كاين
سعد:مم كاينة لازانية
تسنيم(بلهفة):ااه.. بغيتها
سعد:ولكن اتعونيني
تسنيم(هزات عينيها الفوق) :واخة
سعد:(مد ليها طابلية باش متوسخش حويجها)هاكي
تسنيم:اه..هه.. شكرا
سعد:(قرب لعندها) كتعرفي طيبي بعدا
تسنيم(دفعاتو):اه.. ب...بطبيعة الحاال
سعد:مم دبا نشوفو
...............
سلمى:(جلسات فالكرسي) اععع عييت
علي:اش درتي درت كولشي انا
سلمى:(هزات حجبانها) و محشمتييييش
علي:صافي صافي (هز واحد اللبسة و مدها لسلمى) لبسي
سلمى:(باستفهام) اش نلبس
علي:شدي لبسي
سلمى:وعلاش
علي:راه منبقاش كلا مرة نقوليك بلي لي بغيتها ا ديريها
سلمى(خدات من عندو اللبسة و كتأفأف) :هايا غادة
لبسات هادوك الحويج
سلمى:و محشمتيش عاطيني نلبس هادشي
علي(مد ليها القبعة) :باش تكملي اللبسة
سلمى(خداتها):هايا لبستها
علي:قولي تشييييز
سلمى:تشييييز
بدلات حويجها واخا شبعو ضحك بقاو ايبدلو و ايحطو
.............
تسنيم:وا انضوووق
سعد:لا حتا ايطيب راه باقي مطااابش
تسنم(ربعات ايديها) :يلاه انبشر ليك فرماج
سعد:عندااك تهرسي شي حاجة
تسنيم:(كتشوف فالطبسل لي هرسات ليه) لا صافي منعاودش
سعد(قرب لوجهها) : لا غيير عاودي و الله لا دقتيها
تسنيم:حق مولانا لا عودتها ارى الفرماج
سعد(مدو ليها) :شدي
بدات كتبشر فالمرماج و نصو كلاتو
تسنيم:كملت
سعد(مصدوم):انا معطيتكش قد هاكة، فين دكشي لاخر
تسنيم:وا دكشي لي خرج
سعد(عاق بيها كلاتو، حبسها مابين البوطاجي) كليتيه
تسنيم:وا مبغاش ايتبشر و عضيت منو ا شوية (هزات ايديها كتوريه قداش) قد هاكا
سعد:ممم قد هاكا
تسنيم(تزنگات):واا صافي كليتو و من بعد خرجو ليا من كرشي
سعد:ا بلاتي ، تسناس نسالي و نورييك
...............
سلمى:جعت
علي:يلاه راه قاليا سعد تسنيم معاه و كيطيبو
سلمى(كضحك):متقولش ليا دخلات معاه للكوزينة
علي:(باستفهام) وي واقييلة
سلمى:ههههههه صافي بقينا بلا غداا
علي:ههه علاش
سلمى:هاديك راه كتبقا تنقب من الماكلة قبل مطييب كتاكلها
علي:ههه و مبين فيها والو
سلمى:وياه تاكل متشبع
دخلو للبيت
سعد:واللله لا كليتيها
تسنيم:اناكولها عاونتك فيها
سعد:اها..اش درتي حكيتي الفرماج و نصو كليتيه
سلمى:(كضحك و كتشوف فعلي) ها لي قتلييك
علي:وا صافي راه جعنا
تسنيم:وا قولها لييه
سعد:دزتي غير على وجههوم
جلسو حطو لازانية كياكلو فيها
سلمى:مم لذييذة شكون طيبها
تسنيم و سعد:اناا
سعد(شاف فتسنيم) :وجهك قاصح
تسنيم(قربات ليه وجهها):لا رطب قيصو
سعد(هز ايدو باش ايقيص ليها وجهها)
تسنيم(ضرباتو لايدو) :جمع ايدك هاي هاي تيقتي راسسك
شبعو غيير ضحك
شبعو و كملو ناضو غسلو لماعن
علي:(جالس فوق الفوطوي) اوا اش نديرو
سلمى:اش انديرو فناضارك كولا لدارو
تسنيم:اييه تصبحو على خيير
سعد:صافي اتمشيو
تسنيم:لا..لا كري لينا انا و سلمى شي بييت هنايا هاي هاي تحمستي
خرجو هادوك الزوحات و مشاو للبيت