استيقظ العالم الوسيم نامجون بنشاط كعادته ليكمل بحوثه وتجاربه الفاشله عن كيفية تحويل الخفاش لذكر السلطعون واشياء أخري ليس لها صلة ببعضها ولكنه يصمم جعلهم ذوات صله فهذا ما يقنعه أنه عالم فذلوك كما يقال .
جين : يلا يا عيال الأكل جاهز
جيمين بابتسامه : صباح الخير يا هيونج
جين : صباح النور لجيمين حبيبي *في هذه اللحظه يدخل يونجي بوجه متجهم كأنه خرج من غرفته بعد مشاهدته لفريقه المفضل في كرة القدم وهو يُهزم 6 : 0 *
جين : أما الناس المكشره لا صباح ولا مسا ولا كلمه كويسه
يونجي : مش عايز حد يصبح عليا أنا اصلا مش طايق نفسي
يدخل جونكوك : نو ون ...يونجي" مش طااايقكوا "
والله يا هيونج أنا نفسي تشيل الحبهان الي تحت درسك ده مكنتش عشرين ألف مره الي صحيناك فيهم من عز نومك يعني
يونجي : لا ازاي اضايق صحيح مليش حق
بعد ربع ساعه يجتمع الجميع علي سفرة الطعام عدا شخص واحد
جيهوب : اومال فين نامجون ؟
تاي : تلاقيه بيدور علي حته سليمه في المعمل بتاعه عشان يفجرها
جيهوب : طب ما حد يندهله ده وشه بقي قد اللقمه من قلة الاكل
جين : سيبه بدل ما يفجرنا احنا ولا يحولنا لقرود
جيمين : والله ما عارف هو عالم ولا ساحر
جونكوك : يا اخي عالاقل الساحر ناجح مش فاشل زيه الا ما شوفناه داخل علينا بطبق بيض مقلي حتي من تجاربه طول اليوم
فجأه يسمع شخصا من خلفه يقول بصوت مخيف : قصدك مين بالفاشل ؟؟!
يستدير جونكوك ببطء فهو يعلم صاحب هذا الصوت جيدا
جونكوك وهو يبتلع : ميين اينشتاين بتاعنا وحشني تعالي الهيونج عاملك شويه مسقعه هتاكل ذراتك الالكترونيه وراهم
نامجون وهو يضيق عينيه : اومال فين البيض المقلي
جونكوك بتوتر : ربنا ما يجيب بيض ولا حاجه اقعد انت بس متشيلش هم حاجه
يجلس نامجون بهدوء ثم يقف فجأه وهو يقول : ايوا صح ازاي مفكرتش فيها انت عبقري يا جونكوك
جونكوك بفرحه : ربنا يخليك والله ...بس علي ايه !
يجري نامجون ناحية المعمل ويغلق خلفه الباب مما يعني أنه لن يخرج قبل حلول الشتاء عالأقل، حدث هذا أمام ناظري الاعضاء الذين يفتحون فمهم ببلاهه ثم ينظرون لجونكوك بغضب
جونكوك : ايه والله ما عملت حاجه
يونجي : ما صدقنا أنه يتنيل يقعد معانا تقوم تقومه
جونكوك : والله مظلوم ما قومته
تاي : مش انت العبقري الي بيقول عليه
جونكوك ببكاء : والله ما عبقري انا اصلا حمار معرفش أنا قولت ايه
يكمل الاعضاء أكلهم وهم فاقدين الامل في اينشتاين هذا البيت
يأتي بعد منتصف الليل والاعضاء يستعدون للنوم وفجأه يسمعون صراخ نامجون يأتي من المعمل فيفزع الجميع ويذهبوا ليروا ما حدث
جيهوب : ايه في ايه انت كويس ايه الي مبهدلك كده
نامجون وهو لا يكاد يصدق عينيه كأنه يري ممثلته المفضله تخبره أنها تحبه مثلا : أنا نجحت نجححتتتت
جونكوك بنعاس وهو يفرك عينيه : هو مش انت خلصت امتحانات باين ؟!
جيمين بنعاس : بس يا أهبل ماهو بيعمل ماجستير دلوقتي الف مبروك يا نامجون هجيبلك هدية النجاح بكره تصبح على خير
نامجون بصراخ : هدية ايه وماجستير يا جاهل منك له فصلتوني أنا بقول نجحت في الوصفه الي كنت بعملها عشان تخلينا ابطال خارقين
ينظر له الاعضاء بصدمه مقلتيهم تكاد تخرج من أعينهم
جين : أبطال... ايه ؟
نامجون : خوارق ياهيونج بقولك
يونجي : خوارق لما تخرقك انت عارف الساعه كام دلوقتي ؟
جيهوب : وبعدين وصفة ايه يا نامجون هي شكشوكه
نامجون : يا جدعان ارجوكم الموضوع يستحق العناء ده احنا هنبقي مشاهير من تاني بعد ما راح زماننا
فجأه تلمع أعين جين : وهبقي الوسيم العالمي تاني ؟ مع العلم اني لسه يعني
نامجون : ايوا ياعم واكتر
جين ببرود : لا مش عايز أنا رايح انام
يذهب الاعضاء من أمامه واحدا تلو الآخر ويتبقي جونكوك فقط الذي نام وهو يقف مكانه
نامجون وهو يهزه : روح نام يا جونكوك
جونكوك بنوم : معكش منوم يا هيونج ألا أنا مش جايلي نوم خالص
نامجون بسخريه : لا ماهو واضح حاسب ريالتك ديه بس
فجأه تلمع أعين نامجون بفكره شيطانيه
يأخذ نامجون المحلول الذي صنعه فجأه ويعطيه لجونكوك : خد يا جونكوك منوم فعال اهو
يأخذه جونكوك دون النظر ويشربه دفعه واحده ثم يجر قدمه الي السرير وينام بهدوء
يبتسم نامجون : أنا هثبتلكم اني صح وهغني هم فين الي قالوا مش هوصل زمان ....
فجأه يبتلع نامجون ريقه : أنا خايف فعلا موصلش واكون السبب في موت الواد الغلبان ده ...احيه
أهلين
بارت قصير كبدايه ويارب مفيش حاجه تمنعني أنزل الباقي ان شاء الله
أنت تقرأ
بانجتان في ما وراء الطبيعة
Humorيقع أعضاء الفريق في مشكلة بسبب العالم نامجون الذي يقوم بتجاربه الفاشله علي أحدهم فيستيقظ ويجد نفسه أصبح ذو قوي خارقة ماذا سيكون رد فعل الأعضاء وما الذي سيحدث معهم تابعوا القصه لتعرفوا الأحداث
