ﺣﺒﻴﺘﻚ ﺻﺪﻙ ﻣﻌﻘﻮﻟﻪ ﻣﺎ ﺣﺴّﻴﺖ
ﺣﺒﻴﺘﻚ ﺻﺪﻙ ﻣﻌﻘﻮﻟﻪ ﻣﺎ ﺣﺴّﻴﺖ
ﻭﺁﻧﻪ ﺍﻟﺠﻨﺖ ﺍﻇﻨّﻚ ﺗﺪﺭﻱ ﻭﺗﺤﺒﻨﻲ
ﻃﻠﻊ ﻛﻠﺒﻚ ﺍﻧﺎﻧﻲ ﻭﺑﻴﻪ ﺃﻧﻲ ﺃﻧﻐﺮّﻳﺖ
ﻣﺎ ﻭﻓّﻪ ﻟﻤﺤَﺒﺘﻲ ﻭﺑﺎﻟﻌﺠﻞ ﺫﺑﻨﻲ
ﻭﺣﻴﺪ ﺑﻼ ﺣﺒﻴﺐ ﻭﻻ ﻋﺸﻚ ﺿﻠّﻴﺖ
ﺷﺠﺮﻩ ﺑﻼﻳﻪ ﻣﻲّ ﻭﻻ ﺷﻤﺲ ﺟﻨّﻲ
ﺻﻠﺐ ﻣﺜﻞ ﺍﻟﺠﺒﻞ ﺑﺎﻟﺸﺪّﻩ ﻣﻨﻬﺰّﻳﺖ
ﺑﺲ ﺑُﻌﺪﻙ ﻋﻠﻴﻪ ﺑﻬﺎﻟﻮﻛﺖ ﻫﺰﻧﻲ
ﺣﻴّﺮﻧﻲ ﺍﻟﺰﻣﺎﻥ ﻭﺑﻴﻚ ﺃﻧﻪ ﺃﺣﺘﺎﺭﻳﺖ
ﻭﺟﻦ ﺑﻴﻚ ﺍﻟﺰﻣﻦ ﺭﺍﻳﺪ ﻳﻌﺬﺑﻨﻲ
ﻧﻄﺮﺕ ﻣﺤﺒّﺘَﻚ ﻭﺍﻟﻬﺎ ﺷﻜﺜﺮ ﺗﺎﻧﻴﺖ
ﻭﻟﺤﻈﺎﺕ ﺍﻟﻌﺸﻚ ﻭﻳﺎﻙ ﻭﻧﺴﺘﻨﻲ
ﺟﻨﺖ ﺍﻟﻴّﻪ ﺍﻻﻫﻞ ﺍﻧﺖ ﻭﺟﻨﺘﻠﻲ ﺍﻟﺒﻴﺖ
ﻭﺑﺲ ﺍﻧﺖ ﺍﻟﺠﻨﺖ ﺑﺎﻟﺪﻧﻴﺎ ﻋﺎﺟﺒﻨﻲ
ﻭﺟﻨﺖ ﺍﻧﺖ ﺍﻟﺘﺬﻭّﺏ ﻗﻠﺒﻲ ﻟﻮ ﻋﺪّﻳﺖ
ﻭﺃﻃﻴﺤﻦ ﻟﻮ ﻋﻴﻮﻧﻚ ﻣﺮّﻩ ﺗﻨﻈﺮﻧﻲ
ﺟﻢ ﻣﺮّﻩ ﺍﻟﻮﻛﺖ ﻳﺠﺮﺣﻨﻲ ﻣﺘﺄﺫﻳﺖ
ﺑﺲ ﺯﻋﻠﻚ ﻋﻠﻴﻪ ﺍﻟﺠﺎﻥ ﻳﺄﻟﻤﻨﻲ
ﺑﺸﺮ ﻏﻴﺮﻙ ﺃﺑﺪ ﺑﻜﻠﻴﺒﻲ ﻣﺎ ﺣﻄﻴّﺖ
ﻭﻛﻞ ﻭﺍﺣﺪ ﺑﻌﺪ ﺑﺎﻟﺪﻧﻴﺎ ﻣﺎ ﻫﻤﻨﻲ
بلييييييز لاتنسوا فوت&كومنت&مشاركة
فرحوني شويه خلوني اتحمسسس بليز لاتنسوا
ترى وداعتكم اذا معجبتني نسبة الفوتس والكومنتات ترى بعد ما انشر اي قصيدة