الساحر

الفصل الثالث

ياسمين بصدمه : نعم

اريان : نورا لابسه لون ازرق وانا بحبو مالك مصدومه كدا

ياسمين : استغفر الله العظيم

اريان بهدوء : ممكن تحكلي مالك

ياسمين بتوتر : طيب هحكيلك

ياسمين بصت في جنينه وبصت علي عاصم لقتو واقف معا ناس اطمنت انو مش هيسمعها بس انصدمت لما لقت سيف داخل الجنينه

ياسمين بصدمه : سيف

اريان : خطيبك

ياسمين بسرعه : معلش لازم امشي

ياسمين طلعت برا الاوضه ونزلت علي سلم بسرعه وطلعت الجنينه بهدوء ومشيت ورا سيف وحاولت تندهو بس مسمعش ياسمين لقتو داخل في اوضه في جنينه القصر جت تدخل وراه الباب اتقفل في وشها أما سيف دخل الأوضه ولقه ساهر فيها

ساهر : انت مين

سيف بستغراب: مش انت الي كلمتني وقولتلي انك عايزني في موضوع

ساهر بصدمه : انا

سيف بغضب : ايوا ونفس صوتك هو انت هتشتغلني

ساهر : والله ماكلمتك

سيف بضيق : متحلفش ولا تجيب اسم ربنا علي لسانك ايه نسيت انت كنت بشتغل ايه

ساهر بغضب : وانت عرفت منين

سيف بضيق : دورت وراك

ياسمين برا كانت بتحاول تفتح الباب وندهت علي سيف وسيف سمعها اخيرا

سيف قرب من الباب وحاول يفتحو معرفش

سيف : ياسمين الباب مبيفتحش

ياسمين بصوت عالي علشان الموسيقي كانت عاليه وقالت : اسمع ياسيف الساحر مش ساهر الساحر هو الي خلني اقول كدا

سيف بصدمه : ايه

فاجأه نور الفيلا كلو اتقفل حتي الاوضه الي فيها سيف وساهر والموسيقي وقفت وفي لحظه دي سمعو صريخ ساهر كان صريخ يخوف مكنوش عارفين يحددو مالو ولا مصدرو فين أما سيف شغل كشاف تلفونو وشاف ابشع منظر شاف ذئب بياكول في ساهر وفي خلال دقيقه النور جاه وسيف غمض عينو من بشاعة المنظر وظهر الساحر في لحظه دي ونزل لمستوا الذئب وقال : يارب تكون شبعت