خديجه بفرحه: رعد العروسه منتقبه واسمهاا عائشه...
رعد بإبتسامه: يبقا واثق انها مناسبه ليا بإذن الله
روز: وبعدين ياسلوي عملت كل الي قولتيه وبقيت اتجاهلو واحسسو انو ولا حاجه بقالي سنه ونص مستحمله وهو عمال يحلو ويبقا قمر وانا تعبت بقاا
سلوي: هو انتي لسه بتحبيه ياروز
روز: نعم يااختي لسه ايه امال انا المده دي كلها بعمل اي مش عشان في الاخر اتجوزو
سلوي: احم لا مش قصدي انا اقصد يعني ان يااه ع الحب بقالك اد كدا بعيد وفي شباب قد كدا قدامك يتمنوكي وانتي عشان اصيله لسه بتحبي حبك الاول
روز بإبتسامه: مبحبش غير رعد ياسلوي واتمني اليوم الي هيبقا فيه جوزي يقرب بقاا
سلوي: هيقرب هيقرب دا هو خلاص قدامنا اهوو
روز بتسرح وتتخيل رعد
فاطمه بتخبط علي الباب
رعد: انا هفتح دي اكيد فاطمه
خديجه: اكييد
رعد بيفتح وبيبوس راس فاطمه وياخد منها حمزه ابنها عندو 8 شهور
فاطمه: وحشتوني اووي وهقعد معاكو يومين كمان
خديجه بتحضنهاا تنوري يانور عيني
فاطمه: الحمدلله اخيرا هشوفك عريس ياروحي
رعد: مشاء الله هي ماما لحقت حكتلك
فاطمه: تحكي اي يابني دا انا الي قيلالها عليها كانت معايا في الثانوي وبعدين كل واحد دخل كليه غير وبعدنا عن بعض وقابلتها تاني وحقيقي فخوره بياا هي بصراحه طول عمرها ملتزمه بس اتنقبت وبتدي دروس في جامع جمبهم
رعد: اممم ربنا يقدم الي فيه الخير
خديجه: يارب
تاني يوم
خديجه: اخدت ميعاد مع أهلها بكره يناسبك
رعد: يناسبني طبعا
خديجه: ماشي ياحبيبي
رعد لنفسو: بصراحه مش عارف افرح ولا ازعل اعيش حياتي وابطل احس بالذنب تجاه روز او اني مقدرتش اصلحهاا بس انا انسان وليا طاقه وانا حاولت معاها بس هي مش عاوزه تتغير ربنا يهديها
خلصت صلاه وفضلت ادعيلها بصلاح الحال
مكانش جايلي نوم ف قعدت قدام الشباك اشم هواا
فاطمه: مش هتنام يا رعد
رعد: مش جايلي نوم حمزه نام
فاطمه: ايوا نيمتو وسمعت صوتك ف جيت اقعد معاك شويه
رعد: تعالي اقعدي
بعد شويه لقينا روز نازله من عربيه شاب وصوت ضحكها كان عالي بصيت عليها بحزن ورجعت بصيت قدامي
فاطمه: اللهم اهديها واصلح حالها
رعد بصوت واطي: اميين
فاطمه: اوع تكون حاسس بالذنب تجاها يارعد
رعد: مش عارف احدد احساسي هل هو ذنب ولا لا بس حاسس اني عاوز اديها فرصه اخيره
فاطمه: ادعيلها وشوف مستقبلك واحنا اخدنا ميعاد مع الناس مش عاوزين نرجع فيه
رعد: عارف تعرفي يا فاطمه مهما اكبر بفضل صغير قدامك وببقا طفل مستني كلامك ونصايحك
فاطمه: انت كنت قادر تكونلي اب في وقت احتياجي ليه وانا دلوقتي بكونلك ام احنا بنكمل بعد ياحبيبي
فضلنا نتكلم بالساعات ونرجع ل ايام زمان تاني كنت محتاج القاعده دي بجد
تاني يوم
خديجه: رعد مامت عائشه لسه قافله معايا بتعتذر عن الموعد حصل عندهم حاله وفاه جدها توفي
رعد: البقاء لله ان لله وانا إليه راجعون اللهم اغفر له
خديجه: اللهم امين
رعد: مفيش مشاكل اديهم وقتهم
خديجه: ماشي
رعد: دخلت اوضتي وفضلت افكر معقول دي تكون اشاره من ربنا خرجت لقيت فاطمه بتأكل حمزه
رعد: فاطمه
فاطمه: نعم
رعد: عاوز منك طلب اخير بخصوص روز
فاطمه: اتفضل
رعد بصي انا عاوز اديها فرصه زي ماقولت عشان ضميري يبطل يأنبني كلميها لأخر مره وعرفيها كلام ربنا وعيها وانصحيها يمكن تسمعلك
فاطمه: حاضر يارعد هكلمها عشان خاطرك
رعد: شكرا ياحبيبتي
